«Aqtóbe» fýtbol klýbynyń eks-oıynshysy Aleksandr Savchenko 45 jasynda qaıtys boldy dep habarlaıdy «Adyrna» ulttyq portalynyń tilshisi.
Indetke qarsy ekpe saldyrǵan A.Savchenko birneshe kúnnen keıin ınsýlt alǵan, sodan soń jan saqtaý bólimine jatqyzylǵan. Aldyn ala boljam boıynsha ınsýlttiń basty sebebi koronavırýs bolýy múmkin.
Al Aqtóbe oblystyq densaýlyq saqtaý basqarmasynyń basshysy Rústem Isaev sportshynyń qaıtys bolýynyń basty sebebi mıdaǵy isik ekenin aıtady.
— Mıdaǵy isik kardıoembolıkalyq ınsýlt shaqyrýy múmkin. Bul — júrek fıbrıllıaııasy. Vakınanyń buǵan qatysy joq, — deıdi ol.
Sportshynyń neden kóz jumǵandyǵy aldaǵy ýaqytta gıstologııalyq zertteý nátıjesinen soń belgili bolady.
Aıta ketý kerek, Aleksandr Savchenko «Aqtóbe» fýtbol komandasynda 1993-2002 jyldar aralyǵynda oınady. Ol Premer-lıgada barlyǵy 164 matchqa qatysqan.
