«الاتاۋ» تەاترىنىڭ كينوزالىندا قارتتارعا ارنالعان قايىرىمدىلىق كورسەتىلىم ءوتتى

563

بۇگىن «الاتاۋ» ءداستۇرلى ونەر تەاترىنىڭ كينوزالىندا  №3 ارنايى الەۋمەتتىك قىزمەت كورسەتۋ ورتالىعىنىڭ قارتتارى مەن اۋعان سوعىسىنىڭ جانە ۇوس ارداگەرلەرى مەن ەڭبەك ارداگەرلەرىنە ارنالىپ قايىرىمدىلىق كورسەتىلىم قويىلدى.

№3 ارنايى الەۋمەتتىك قىزمەت كورسەتۋ ورتالىعىنىڭ قىزمەت الۋشىسى داريعا باقىتتىبايقىزى «الاتاۋ» تەاترىنىڭ كينوزالى ۇيىمداستىرعان كورسەتىلىمدەرگە بۇعان دەيىن دە بىرنەشە رەت قاتىسقانىن ايتا وتىرىپ، تەاتر قىزمەتكەرلەرىنە العىسىن ءبىلدىردى.

ال وسى ورتالىقتىڭ قىزمەت الۋشىسى اسىلبەك ەگەنبەرديەۆ: «9 مامىر جەڭىس كۇنى ۇيىمداستىرىلعان كورسەتىلىمنەن كەيىن بۇگىن ەكىنشى رەت «الاتاۋ» تەاترىنىڭ كينوزالىنا كەلىپ وتىرمىن.  جالپى كينو  كورسەتىلىمدەرگە جانە ۇيىمداستىرۋشىلارعا كوڭىلىم تولادى»، – دەدى. سونىمەن قاتار الداعى ۋاقىتتا شارۋاشىلىق، تۇرمىسقا قاتىستى تۇسىرىلگەن فيلمدەردى كورىپ تاماشالاعىسى كەلەتىندىگىن جەتكىزدى.

kinozal

قارتى بار ەلدىڭ قازىناسى بار. قارتىن قادىرلەپ، اتالار ەرلىگىن اسپەتتەۋ – بۇگىنگى ۇرپاقتىڭ پارىزى.

ارداگەرلەر مەن قارتتارعا ارنالعان قويىلىم كورەرمەن قاۋىمنىڭ كوڭىلىنەن شىعىپ جاتسا، بۇل تەاتر ۇجىمى ءۇشىن جەتىستىك جانە موتيۆاتسيا. ال گولليۆۋدتىڭ ايگىلى فيلمدەرى مەن وتاندىق كينوتۋىندىلاردى تاماشالاعىڭىز كەلسە، «الاتاۋ» ءداستۇرلى ونەر تەاترىنىڭ كينوزالىنا اسىعىڭىز!


ءمولدىر بەكجان

پىكىرلەر