«Alataý» teatrynyń kınozalynda qarttarǵa arnalǵan qaıyrymdylyq kórsetilim ótti

561

Búgin «Alataý» dástúrli óner teatrynyń kınozalynda  №3 arnaıy áleýmettik qyzmet kórsetý ortalyǵynyń qarttary men Aýǵan soǵysynyń jáne UOS ardagerleri men eńbek ardagerlerine arnalyp qaıyrymdylyq kórsetilim qoıyldy.

№3 arnaıy áleýmettik qyzmet kórsetý ortalyǵynyń qyzmet alýshysy Darıǵa Baqyttybaıqyzy «Alataý» teatrynyń kınozaly uıymdastyrǵan kórsetilimderge buǵan deıin de birneshe ret qatysqanyn aıta otyryp, teatr qyzmetkerlerine alǵysyn bildirdi.

Al osy ortalyqtyń qyzmet alýshysy Asylbek Egenberdıev: «9 mamyr Jeńis kúni uıymdastyrylǵan kórsetilimnen keıin búgin ekinshi ret «Alataý» teatrynyń kınozalyna kelip otyrmyn.  Jalpy kıno  kórsetilimderge jáne uıymdastyrýshylarǵa kóńilim tolady», – dedi. Sonymen qatar aldaǵy ýaqytta sharýashylyq, turmysqa qatysty túsirilgen fılmderdi kórip tamashalaǵysy keletindigin jetkizdi.

kinozal

Qarty bar eldiń qazynasy bar. Qartyn qadirlep, atalar erligin áspetteý – búgingi urpaqtyń paryzy.

Ardagerler men qarttarǵa arnalǵan qoıylym kórermen qaýymnyń kóńilinen shyǵyp jatsa, bul teatr ujymy úshin jetistik jáne motıvaııa. Al Gollıvýdtyń áıgili fılmderi men Otandyq kınotýyndylardy tamashalaǵyńyz kelse, «Alataý» dástúrli óner teatrynyń kınozalyna asyǵyńyz!


Móldir BEKJAN

Pikirler