Aımaq basshysy Mahambet Dosmuhambetovtiń tóraǵalyǵymen ótken konferenııaǵa Saıası keńes músheleri, máslıhat depýtattary, jergilikti atqarýshy organdardyń basshylary, bastaýysh partııa uıymdarynyń tóraǵalary men «Jas Otan» Jastar qanatynyń músheleri qatysty.
Kún tártibinde «Nur Otan» partııasy Atyraý oblystyq fılıaly Saıası keńesi men baqylaý-tekserý komıssııasynyń 2019-2020 jyldary atqarǵan jumystarynyń esebi tyńdalyp, aldaǵy kezeńge arnalǵan mindetteri qaraldy.
«Elbasy bastamasymen «Nur Otan» partııasy da ýaqyt talabyna saı jańarý jolyna túsip, jańa belesterdi baǵyndyrýda. Partııany qaıta jańǵyrtý - bul qazirgi zamanǵy talaptarǵa naqty jaýap. Bul birqatar áleýmettik mańyzdy, qoǵamdyq-saıası máselelerdi jergilikti deńgeıde sheshýge múmkindik berdi. Elbasy usynǵan jańa mehanızm - bul el damýyndaǵy kezekti naqty qadam jáne partııany halyqpen ózara is-qımyldyń jańa deńgeıine shyǵardy»,-degen óńir basshysy syndarly sátterde nurotandyqtar árdaıym halyqtyń janynan tabylyp, qıyn da kúrdeli mindetterdi atqaryp kele jatqanyn atap ótti.
Sonymen qatar, oblys ákimi VI shaqyrylym máslıhattardaǵy depýtattyq frakııalardyń 151 májilisi ótip, onda 340 másele qaralyp, 270 usynys memlekettik organdarǵa joldanǵanyna toqtaldy. Oǵan qosa, sońǵy eki jylda 3 myńnan asa is-sharalar men depýtattyq frakııanyń músheleri 706 qoǵamdyq qabyldaý ótkizgen.
Fılıal tóraǵasynyń aıtýynsha, partııa byltyrǵy ótkizilgen praımerız irikteý jumystarynda belsendi ról atqarǵan.
«Atyraý oblysy boıynsha partııaishilik irikteý - praımerızge 408 adam usynylyp, onyń 404-i kandıdat retinde tirkeldi. Daýys berý qorytyndysy boıynsha óńir partııa músheleri joǵary saıası belsendilik tanytyp, Atyraý oblysynyń 22 myńnan asa partııa múshesi nemese 94,4 paıyzy daýys berdi, bul respýblıka boıynsha birinshi kórsetkish»,-dedi Mahambet Dosmuhambetov.
Sondaı-aq, kezdesýde aǵymdaǵy jyly saılanǵan organdardyń ókilettik merzimderi aıaqtalýyna baılanysty, Atyraý oblystyq partııa fılıaly Saıası keńesiniń 31 adamnan turatyn quramy men Baqylaý-tekserý komıssııasynyń jańa quramy bekitildi.
Jıyn sońynda fılıal tóraǵasy aldaǵy jumysty tıimdi qamtamasyz etý úshin «Ózgerister joly: Ár azamatqa laıyqty ómir!» atty 2021-2025 jyldarǵa arnalǵan Saılaýaldy baǵdarlamasynyń oryndalysyn baqylaýǵa alýdy tapsyrdy. Oǵan qosa, depýtattyq frakııasynyń músheleri barlyq áleýmettik toptarmen keri baılanysty nyǵaıtýdy, saıası jáne ıdeologııalyq jumystardy odan ári jetildirýdi mindettedi.
Aıta ketý kerek, búgingi kúni oblystyq fılıalda 108 bastaýysh partııa uıymyna birikken 24 myńǵa jýyq partııa músheleri bar.
