قر دەنساۋلىق ساقتاۋ ءمينيسترى الەكسەي تسوي باسقا قىزمەتكە اۋىسۋ تۋرالى ويلانۋعا ۋاقىتى جوق ەكەنىن وكق-دا وتكەن بريفينگتە ايتتى، دەپ حابارلايدى «ادىرنا» ۇلتتىق پورتالى.
«مينيسترلىكتىڭ الدىندا قازىر كوپتەگەن سۇراقتار تۇر. پاندەميا كەزىندە جاھاندى جايلاعان دەرتپەن كۇرەستە مينيسترلىكتىڭ بارلىق قىزمەتكەرلەرى تاۋلىك بويى جۇمىس ىستەۋدە. ەگەر دە ەل بيلىگى باسقا مامانداردى تارتۋدى كوزدەيتىن بولسا، ءبىز وعان ءاردايىم دايىنبىز. ال ءدال قازىر جۇمىستان باس كوتەرمەي قىزمەت ەتۋدەمىز. ءبىزدىڭ باسقا شارۋالارعا كوڭىل بولۋىمىزگە ۋاقىتىمىز جوق. ءبىز ءوز ازاماتتارىمىزدى ىندەتتەن امان الىپ قالۋدىڭ قامىمەن ءجۇرمىز»، - دەدى الەكسەي تسوي.
"ادىرنا" ۇلتتىق پورتالى
