اتىراۋدا مەكتەپ مۇعالىمى سۋيتسيد جاساماق بولعان، دەپ حابارلايدى “ادىرنا” ۇلتتىق پورتالى Orda.kz-كە سىلتەمە جاساپ.
№37 ورتا مەكتەپتىڭ اعىلشىن ءتىلى ءپانى مۇعالىمى پەدكەڭەستە ديرەكتور مەن ارىپتەسى تاراپىنان قورلانعانىن حابارلاعان.
Orda.kz-ءتىڭ مالىمەتىنشە، كەڭەس بارىسىندا قازاق ءتىلى ءپانىنىڭ مۇعالىمى اعىلشىن ءتىلى ءپانىنىڭ مۇعالىمى مۇراتوۆانى الاياقتىق جاسادى دەپ ايىپتاعان. ءبىر ەر ادام كەلىپ، مۇراتوۆا تۋرالى اشكەرەلەيتىن اقپارات جەتكىزگەن. جابىرلەنۋشىنىڭ ارىپتەستەرى ونى قورعاۋعا تىرىسىپ، اڭگىمەنى توقتاتۋدى تالاپ ەتكەن كورىنەدى. دەگەنمەن مەكتەپ ديرەكتورى تەكسەرۋدى جالعاستىرۋعا مۇمكىندىك بەرىپ، جاعدايدى توقتاتپاعان.
«ول مەنى پەدكەڭەس بارىسىندا قورلادى. وسىدان كەيىن شىداي المادىم. بۇعان دەيىن مەكتەپ ديرەكتورى ماعان "قولى وتە ۇزىن" دەپ ايتقان بولاتىن. بۇل مەن ءۇشىن قاتتى قورلاۋ بولدى، باسقا امال تاپپادىم. ارىپتەستەرىم مەنى قولدادى، بىراق ديرەكتور كەڭەستى اياقتاۋدان باس تارتتى»، — دەپ ءبولىستى ساندۋعاش مۇراتوۆا Orda.kz تىلشىسىنە.
”قورلاندىم” دەگەن ۇستاز پەدكەڭەستە وقۋشىلاردىڭ ءتارتىبى مەن ۇلگەرىمىن تالقىلاۋ جوسپارلانعانىن ايتقان.
«ولار مەنى بىرەۋدەن اقشا الىپ، قايتارمادى دەپ ايىپتادى. ەگەر مەن زاڭ بۇزعان بولسام، قۇقىق قورعاۋ ورگاندارىنا جۇگىنۋ قاجەت ەدى، پەدكەڭەستە ماسەلەنى قاراۋدىڭ قاجەتى جوق ەدى. ديرەكتور ادەيى باسقا مۇعالىمگە مەن تۋرالى وسىنداي سوزدەر ايتقىزدى. بارلىق كىنالىلەردى، سونىڭ ىشىندە ديرەكتوردى دا جاۋاپكەرشىلىككە تارتۋدى تالاپ ەتەمىن»، — دەپ قوستى مۇراتوۆا.
پەدكەڭەستەن كەيىن شامامەن 20:00-دە مۇعالىم ءوزىن-ءوزى ولتىرۋگە ارەكەتتەنگەن. قازىرگى ۋاقىتتا ول اۋرۋحانادا ەم الىپ جاتىر.
