ناۋقاستار مەن ايەلدەردىڭ ورازا ايت نامازانى قاتىسپاعانى دۇرىس - ءمۇفتيات

3005
Adyrna.kz Telegram

قازاقستان مۇسىلماندارى ءدىني باسقارماسى رۇقسات ەتىلگەن ايماقتارداعى مەشىتتەردىڭ اۋلاسىندا ورازا ايت نامازى وقىلاتىندىعىن حابارلادى. بۇل تۋرالى "ادىرنا" ۇلتتىق پورتالى مالىمدەيدى. 

ءمۇفتيات مەشىتكە كەلۋشى مۇسىلمان جاماعاتىن تومەندەگى ەڭ باستى ساقتىق شارالارىنا ءمان بەرۋگە شاقىردى:

بەتپەردە (ماسكا) كيىپ كەلۋ;

ۇيدەن دارەت الىپ كەلۋ;

نامازدان سوڭ قول بەرىپ امانداسپاۋ;

نامازدان كەيىن كوپ كىدىرمەي ۇيگە قايتۋ;

جاماعاتپەن وقىلاتىن نامازعا باليعاتقا تولماعان بالالاردى الىپ كەلمەۋ;

ناۋقاستار مەن ايەلدەردىڭ ايت نامازىنا قاتىسپاعانى ابزال.

«بارشا مۇسىلمان قاۋىمىن وسى جاعدايلارعا تۇسىنىستىكپەن قاراۋعا شاقىرامىز. جۇقپالى ىندەتتى تاراتپاۋ ءۇشىن ءار ازامات ءوزىنىڭ وتباسى، قوعام الدىنداعى جاۋاپكەرشىلىگىن تەرەڭ سەزىنىپ، سانيتارلىق تالاپتار مەن مەشىت تارتىبىنە باعىنۋى قاجەت»، - دەلىنگەن باسقارما حابارلاماسىندا.

"ادىرنا" ۇلتتىق پورتالى 

پىكىرلەر