“جايىق-كاسپي” وبلىسارالىق باسسەيندىك بالىق شارۋاشىلىعى ينسپەكتسياسى ۇيىمداستىرعان تازالىق جۇمىستارىنا تابيعاتتى قورعاۋعا جاۋاپتى بىرقاتار مەكەمەنىڭ وكىلدەرى، “امانگەلدى”، “سەۆكاسپيفيش”، “ۆوستوك”، “تىلەكشى”، ء“ىنجۋ-مارجان” جشس جۇمىسشىلارى، اتىراۋ قالاسىنىڭ دامبى اۋىلدىق وكرۋگى اكىمى اپپاراتى قىزمەتكەرلەرى قاتىسۋدا.
اكتسياعا قاتىسۋشىلار امانگەلدى، قۇرمانعازى، قىزىل بالىق، جامبىل ەلدى مەكەندەرى بويىنشا جايىق وزەنى جاعالاۋىن ءارتۇرلى تۇرمىستىق قالدىقتان جانە جاعالاۋداعى بالىق اۋلاۋ قۇرالدارىن تازالاۋ جۇمىستارىن جۇرگىزدى.
اكتسياعا بارلىعى 100-دەن اسا ادام، 15 دانا اۆتوكولىك جانە سۋ كولىكتەرى جۇمىلدىرىلدى. جينالعان تۇرمىستىق قالدىق پەن اۋ قۇرالدارىنىڭ جالپى سالماعى 7 توننانى قۇراپ، “ارناۋلى اۆتوبازا” جشس-نە تاپسىرىلدى. ۇيىمداستىرۋشىلاردىڭ ايتۋىنشا، اكتسيا 31 مامىرعا دەيىن جالعاسادى.
