2020 جىلى قىتاي حالقى ءبىر جىلداعىدان 0,83% ءوسىپ، 1,41178 ملرد ادامعا جەتتى. 2010 جىلمەن سالىستىرعاندا ەلدەگى حالىق سانى 72 ميلليونعا ءوستى، دەپ حابارلايدى "ادىرنا" ۇلتتىق پورتالى قحر مەملەكەتتىك ستاتيستيكا باسقارماسىنا سىلتەمە جاساپ.
قحر تاريحىنداعى جەتىنشى حالىق ساناعى 2020 جىلدىڭ 1 قاراشاسىنان 10 جەلتوقسانىنا دەيىن ءوتتى.
ساناق بويىنشا قىتايدا شامامەن 723,34 ميلليون ەر ادام جانە 688,44 ميلليون ايەل بار.
حالىقتىڭ شامامەن 63,35% -ى 15-تەن 59 جاسقا دەيىنگى ادامدار، شامامەن 18,7% -ى 60-تان جوعارى، تاعى 17,95% -ى 14 جاسقا دەيىنگى ادامدار.
قىتايداعى قالا تۇرعىندارىنىڭ ۇلەسى 63,89% قۇرادى. بۇل 2010 جىلمەن سالىستىرعاندا 14,21% ارتىق. ەل تۇرعىندارىنىڭ كوپ بولىگى - 91,11% - حان (قىتايلار) وكىلدەرىنە تيەسىلى. ۇلتتىق ازشىلىقتاردىڭ ۇلەسى 8,89% قۇرايدى.
ساناق دەرەكتەرى بويىنشا حالىقتىڭ ورتاشا جىلدىق ءوسۋ قارقىنى 0,53% قۇرادى. بۇل كورسەتكىش 2000-2010 جىلدارمەن سالىستىرعاندا 0,04% تومەندەدى.
"ادىرنا" ۇلتتىق پورتالى
