جازۋشى، «قازاق ادەبيەتى» گازەتىنىڭ باس رەداكتورى داۋرەن قۋات قازاق ەلىنىڭ سىرتقى گەوساياسي احۋالى مەن بيلىككە قاتىستى وتكىر پىكىر ءبىلدىردى، دەپ حابارلايدى "ادىرنا" ۇلتتىق پورتالى.
جازۋشىنىڭ پايىمداۋىنشا، سىرتقى ساياسي كۇشتەردىڭ قازاققا ىقپالى - الىپ-قاشپا اڭگىمە عانا. قازاق ەلىنە ءدال قازىرگى ۋاقىتتا ۇلتتتىق بىرەگەيلىك پەن ۇلتتىق رۋحتى نىعايتۋعا كۇش سالۋ قاجەت.
- بيلىك ءبىزدى ورىسپەن قورقىتاتىن. ءالى دە قورقىتىپ، قوسۇرەيلى قىلىپ وتىر.ورىس ءبىزدى قىتايمەن قورقىتىپ كەلەدى.ورىستىڭ قازاقتى قورقىتاتىن ء"بۇجايى" ءبىر قىتاي ەمەس. اۋعانستان. تاليبان بيلىگى. قالا بەردى — اقش پەن باتىس. قازاقستان باتىستانىپ كەتسە، قۇريدى-مىس، ەلدىك نىشانىنان تۇتاس ادا بولادى، ت.ت.قىتاي ءبىزدى قارا ءنوپىر حالقىمەن، ىقتيمال ەكسپانتسياسىمەن ۇرەيلەندىرۋدە.... جالپى مۇنىڭ ءبارىن جوققا شىعارۋعا استە بولمايدى. بىراق بارىنەن قورقا بەرسەڭ — قۇتىڭ قاشادى. ەڭ دۇرىسى — فوبياسىز ەل بولۋ. ساياساتكەرلەرىمىز باستاپ ءبارىمىز جۇرتتىڭ ۇرەيىن ۇشىرا بەرمەي، ۇلتتىڭ رۋحىن وياتاتىن ىسكە ۇمتىلساق قايتەدى وسى؟.. - دەپ وي تولعادى جازۋشى.
جازۋشىنىڭ كوزقاراسىنا قاتىستى پىكىر بىلدىرگەندەردىڭ قيسابى جوق.
"سول فوبيانى جاساۋ بيلىكتىڭ ەلدى الداۋسىراتىپ، ۋاقىت ۇتۋى ءۇشىن جاراپ تۇر. بولماسا، بۇگىنگى گەوساياساتتى زەردەلەسەك، باتىل قادامدارعا باراتىن قانشا ورايدان ايرىلىپ جاتىرمىز. دەمەك، وسى احۋال بيلىك ءۇشىن، داقپىرتتى ۇدەرتىپ، ۇرلەي ءتۇسىپ، ونى ءوز مۇددەلەرىنە جاراتۋعا كەرەك";
"وي، داۋرەن قۋات باۋىرىم اۋ، سونى ايتىپ كەلەمىز عوي جىلدار بويى بيلىككە، ءارتۇرلى سوزبەن...وزىڭدەي پاراساتتى ادامدار، زيالى قاۋىمعا رۋح بەرىپ، وياتىپ، جان جاقتان ءسوز ايتا باستاساق، بۇلاردى دا ءبىر جاققا شىعارارىمىز انىق";
"كارتاعا قاراساق 2,5 - 3,5 ملن حالقى بار مەملەكەتتەر دە ەشكىمگە باس يمەي، الەمدىك قولداۋعا يە بولىپ وتىر. ءبىز دە سولار سياقتى ەشكىمگە جالتاقتاماي ءوز كۇنىمىزدى ءوزىمىز كورۋىمىز كەرەك. كىشكەنتاي فينليانديا ەلىنىڭ حالقى دا كەزىندە قاسقايىپ قارسى تۇرعان وركوكىرەك كەڭەس اسكەرىنە. قازىر سول فينليانديا ناتو-عا مۇشە بولدى. ەكونوميكاسى دامىپ كەتتى. ءتىپتى، ۋكرايناعا قاراۋ-جاراقپەن كومەكتەسىپ جاتىر.ءبىزدىڭ ۇكىمەت تە ۋكراينا مايدانىندا قولدانىلىپ، سىناقتان وتكەن الەمدىك سوعىس قارۋ-جاراقتارىمەن اسكەرىمىزدى قامتاماسىز ەتۋى كەرەك. ورىستىڭ كەرزى ەتىگى مەن پيماسىن، تەلوگرەيكاسىن، فۋفايكا، بۋشالاتتارىن دا لاقتىرىپ تاستايتىن كەز كەلدى. اسكەرىمىزدىڭ كيىمدەرى مەن قارۋ-جاراقتارى امەريكالىق اسكەريلەرى ۇلگىسىندە قايتا جاراقتاندىرىلۋى كەرەك";
"حالىق قوزعالماي بيلىك قوزعالمايدى، بۇل انىق";ء"بəرى دۇرىس. ەڭ باستىسى - قازاقتىڭ سانىن كوبەيتۋ كەرەك" دەپ جازدى وقىرماندار.
"ادىرنا" ۇلتتىق پورتالى
