قىتايدىڭ وڭتۇستىك باتىسىنداعى يۋننان پروۆينتسياسىنداعى ورماندا الاپات ءورتتى وشىرۋگە 1000 استام ادام جۇمىلدىرىلدى، دەپ حابارلايدى inform.kz سينحۋا اگەنتتىگىنە سىلتەمە جاساپ.
ءورت ليتسزيان قالاسىنىڭ يۋيلۋن ۋەزى سينۆەن ەلدى مەكەنى اۋماعىنداعى ورمان الابىندا سەنبى كۇنى ساعات 13:30-دا باستالعان، دەپ مالىمدەدى ۆەدومستۆادا. جەكسەنبى كۇنگى ساعات 09:30-داعى جاعداي بويىنشا سولتۇستىك جانە باتىس سەكتورلارداعى ءورت وشاقتارى اۋىزدىقتالعان.
قازىرگى ۋاقىتتا ءورت سوندىرۋشىلەر وڭتۇستىك باعىتتا ءتىلسىز جاۋمەن ارپالىسىپ جاتىر. الاپات جالىن تاۋ شاتقالدارىنا تاراۋى مۇمكىن بولعاندىقتان ءورت سوندىرۋگە تىكۇشاقتار دا تارتىلۋى مۇمكىن.
فوتو: ينتەرنەت جەلىسىنەن
