رەسەي فەدەراتسياسىنىڭ ىشكى ىستەر مينيسترلىگى تمد مەملەكەتتەرىنىڭ بيلىگىنەن رەسەيدە زاڭسىز جۇرگەن ازاماتتارىنىڭ 15 ماۋسىمعا دەيىن ەلدەن كەتۋىن تالاپ ەتتى. بۇل تۋرالى دوستاستىق پارلامەنتارالىق اسسامبلەياسىنىڭ وتىرىسىندا رەسەي ءىىم باسشىسىنىڭ ورىنباسارى الەكساندر گوروۆا مالىمدەدى، دەپ حابارلايدى «ادىرنا» ءتىلشىسى.
"ەگەر ءبىز بۇل ساندى 15 ماۋسىمعا دەيىن الىپ تاستاماساق، <...> بۇل ادامدار شىعارىلعانعا دەيىن جانە شەكارالار جابىلعانعا دەيىن جازالانادى. ەلدەرىڭىزدە باق-پەن، بلوگەرلەرمەن جۇمىس جاساۋ ارقىلى ۇگىت-ناسيحات جۇمىستارىن جۇرگىزگەندەرىڭىزدى قالايمىن", - دەدى گورنوۆا.
ءمينيستردىڭ ورىنباسارى رەسەيدە زاڭسىز جۇرگەن ميگرانتتاردىڭ ستاتيستيكاسىن كورسەتتى.
وزبەكستاننان 332 مىڭنان استام ميگرانت;
247 مىڭ —تاجىكستان ازاماتى،
152 مىڭى — ۋكراينا اۋماعىنان،
120 مىڭى — ءازىربايجاننان،
115 مىڭى — قىرعىزستاننان،
61 مىڭ ادام — ارمەنيادان،
56 مىڭ ادام — مولدوۆادان،
49 مىڭى — قازاقستاننان كەلگەن.
ەستەرىڭىزگە سالا كەتەيىك، وتكەن جىلى رەسەي پرەزيدەنتى ۆلاديمير پۋتين جەلتوقسان ايىنىڭ ورتاسىندا كوروناۆيرۋستىق پاندەمياعا بايلانىستى ميگرانتتاردىڭ ەلدە ۋاقىتشا تۇرۋ مەرزىمىن ۇزارتقان ەدى. ول 2021 جىلدىڭ 15 ماۋسىمىنا دەيىن بەلگىلەندى.
«ادىرنا» ۇلتتىق پورتالى
