Reseı Federaııasynyń Ishki ister mınıstrligi TMD memleketteriniń bıliginen Reseıde zańsyz júrgen azamattarynyń 15 maýsymǵa deıin elden ketýin talap etti. Bul týraly Dostastyq Parlamentaralyq Assambleıasynyń otyrysynda Reseı IIM basshysynyń orynbasary Aleksandr Gorova málimdedi, dep habarlaıdy «Adyrna» tilshisi.
"Eger biz bul sandy 15 maýsymǵa deıin alyp tastamasaq, <...> bul adamdar shyǵarylǵanǵa deıin jáne shekaralar jabylǵanǵa deıin jazalanady. Elderińizde BAQ-pen, blogerlermen jumys jasaý arqyly úgit-nasıhat jumystaryn júrgizgenderińizdi qalaımyn", - dedi Gornova.
Mınıstrdiń orynbasary Reseıde zańsyz júrgen mıgranttardyń statıstıkasyn kórsetti.
Ózbekstannan 332 myńnan astam mıgrant;
247 myń —Tájikstan azamaty,
152 myńy — Ýkraına aýmaǵynan,
120 myńy — Ázirbaıjannan,
115 myńy — Qyrǵyzstannan,
61 myń adam — Armenııadan,
56 myń adam — Moldovadan,
49 myńy — Qazaqstannan kelgen.
Esterińizge sala keteıik, ótken jyly Reseı prezıdenti Vladımır Pýtın jeltoqsan aıynyń ortasynda koronavırýstyq pandemııaǵa baılanysty mıgranttardyń elde ýaqytsha turý merzimin uzartqan edi. Ol 2021 jyldyń 15 maýsymyna deıin belgilendi.
«Adyrna» ulttyq portaly
