ارمەنيادا سىبايلاس جەمقورلىققا قارسى كوميتەت جۇرگىزىپ جاتقان قىلمىستىق ءىس اياسىندا ەلدىڭ بۇرىنعى پرەزيدەنتى روبەرت كوچاريان مەن ونىڭ ۇلى سەدراك كوچارياندى قاماۋعا الدى، دەپ حابارلايدى "ادىرنا" ۇلتتىق پورتالى.
ەلدىڭ سىبايلاس جەمقورلىققا قارسى كوميتەتى 25 تامىزدا روبەرت كوچاريانعا جانە ونىڭ وتباسىنا تيەسىلى بىرقاتار نىساندا ءتىنتۋ جۇرگىزىلگەنىن جاريالاعان.
شەتەلدىك باق مالىمەتىنشە، بۇرىنعى پرەزيدەنتتىڭ كەڭسە باسشىسى باگرات ميكوياننىڭ ايتۋىنشا، روبەرت كوچاريان سىبايلاس جەمقورلىققا قارسى كوميتەتكە جەتكىزىلگەن. سونىمەن قاتار قۇقىق قورعاۋ ورگاندارى كوچارياننىڭ ۇلدارى لەۆون مەن سەدراكتىڭ ۇيلەرىندە دە تەرگەۋ امالدارىن جۇرگىزگەن.
بۇعان دەيىن ارمەنيانىڭ بۇرىنعى پرەزيدەنتى روبەرت كوچاريانعا ەل اۋماعىنان شىعۋعا تىيىم سالىنعان ەدى.
ۇقساس جاڭالىقتار
