چەحيا ۆربەتيتسادا بولعان جارىلىستار ءۇشىن رەسەيدەن 47,5 ميلليون دوللار (3,5 ميلليارد رۋبل) كولەمىندە وتەماقى تالاپ ەتۋگە شەشىم قابىلدادى. بۇل تۋرالى ەلدىڭ قارجى ءمينيسترى الەنا شيللەروۆا ايتتى، دەپ حابارلايدى «ادىرنا» ءتىلشىسى.
«ماسەلەنىڭ ەڭ قولايلى شەشىمى – وتەماقىنى حالىقارالىق قۇقىق نورمالارىنا سايكەس تالاپ ەتۋ. ەگەر ءبىز قىلمىستىق ءىس جۇرگىزۋدەگى زالالدىڭ ورنىن تولتىرۋ جولىمەن جۇرسەك، كوپ ۋاقىت جوعالتامىز", — دەدى ول چەح تەلەديدارىنىڭ ەفيرىندە.
ايتا كەتەيىك، چەحيا بيلىگى رەسەيدىڭ بارلاۋ قىزمەتىن 2014 جىلى ۆربەتيتسە اۋىلىنداعى وق-دارىلەر قويماسىندا بولعان جارىلىستارعا قاتىسى بار دەپ ايىپتاعان ەدى.
«ادىرنا» ۇلتتىق پورتالى
