رەسەيدىڭ ۋكرايناعا باسقىنشىلىعى بارىسىندا 49 مىڭ 281 رەسەيلىك اسكەري قىزمەتكەردىڭ قازا تاپقانى راستالدى، دەپ حابارلايدى "ادىرنا" ۇلتتىق پورتالى حالىقارالىق باق-قا سىلتەپ.
سوڭعى ەكى اپتادا قازا تاپقان رەسەيلىك اسكەريلەر تىزىمىنە تاعى 1580 ادامنىڭ اتى-ءجونى قوسىلدى. تىلشىلەردىڭ مالىمەتىنشە، قازا تاپقاندار تىزىمىندە ارميا مەن باسقا دا كۇش قۇرىلىمدارىنىڭ 3300-دەن استام وفيتسەرى بار، ونىڭ 386-سى پودپولكوۆنيك جانە ودان جوعارى شەندەگى ادامدار.
«مەديازونا» ءوز بايانداماسىندا «ۆەستك» باسىلىمىنىڭ رەسەيدە موبيليزاتسيانىڭ جاڭا تولقىنى دايىندالىپ جاتقانىنا جانە رەسەي قورعانىس مينيسترلىگى جاقىن ارادا تاعى 300 مىڭ ادامدى سوعىسقا جىبەرۋدى جوسپارلاپ وتىرعانىن جازدى.
تاۋەلسىز ساراپشىلار بۇعان دەيىن دە ۆلاديمير پۋتين سايلانعان سوڭ رەسەيدە جاڭا جۇمىلدىرۋ باستالۋى مۇمكىن دەگەن بولجام ايتقان بولاتىن. الايدا رەسەي قورعانىس مينيسترلىگى ازىرگە مۇنداي جوسپارلار جوق دەپ سەندىردى. بۇل تۋرالى Meduza حابارلادى.
جۋرناليستەر ءوز ەركىمەن سوعىسقا شىققىسى كەلەتىن رەسەيلىكتەردىڭ سانىن انىقتاۋ قيىن دەپ جازادى.
«بانكتەردىڭ سوعىسقا قاتىسۋشىلارعا بەرەتىن نەسيەلىك دەمالىستار تۋرالى مالىمەتىنەن سوڭ حالىقتىڭ تورتتەن ءبىرى ياعني، كەم دەگەندە 30 مىڭ ادام اسكەرگە قوسىلاتىنى بەلگىلى بولدى. بۇل تەك نەسيەسى بار جانە جەڭىلدىكتى پايدالانعىسى كەلەتىندەر عانا»، - دەپ اتاپ ءوتتى Mediazona.
ايتا كەتۋ كەرەك، New York Times باسىلىمى ۋكرايناداعى سوعىس باستالعالى بەرى قازا تاپقان جانە جارالانعان ۋكراينالىق جانە رەسەيلىك اسكەريلەردىڭ جالپى سانى 500 مىڭعا جۋىق ەكەنىن جازدى.
ال امەريكانىڭ ورتالىق بارلاۋ باسقارماسى رەسەيلىك شىعىندى 315 مىڭ ادام دەپ ەسەپتەيدى.
اقش ورتالىق بارلاۋ باسقارماسىنىڭ باسشىسى ۋيليام بەرنس امەريكاندىق Foreign Affairs باسىلىمىنىڭ 30 قاڭتارداعى ماقالاسىندا رەسەي ارمياسىنىڭ جالپى شىعىنىن، جارالانعاندارىن قوسا العاندا 315 مىڭ ادام دەپ جازدى.
