كەي ايماقتاردا نايزاعاي ويناپ، بۇرشاق جاۋى ىقتيمال

3234
Adyrna.kz Telegram

قازگيدرومەت ماماندارى اۋا رايىنىڭ وزگەرۋىنە بايلانىستى داۋىلدى ەسكەرتۋ جاريالادى، دەپ حابارلايدى «ادىرنا» ءتىلشىسى.

10 مامىردا الماتى وبلىسىنىڭ تاۋلى ايماقتارىندا قاتتى جاڭبىر جاۋادى. كەي جەرلەرىندە نايزاعاي، بۇرشاق كۇتىلەدى. باتىستان جەل سوعادى، نايزاعاي كەزىندە 17-22 م/س.

ماڭعىستاۋ وبلىسىنىڭ كەي جەرلەرىندە دە نايزاعاي ويناۋى ىقتيمال. سولتۇستىك-باتىستان جەل سوعادى، كۇشى كەي جەرلەردە 15-20 م/س. اقتاۋ قالاسىندا كۇندىز نايزاعاي كۇتىلەدى، سولتۇستىك-باتىستان جەل سوعادى، ەكپىنى 15-20 م/س.

ەرتەڭ تۇركىستان وبلىسىنىڭ كەي جەرلەرىندە نايزاعاي، بۇرشاق، سولتۇستىك-باتىستان سوعاتىن جەلدىڭ كۇشى 15-20 م/س كۇتىلەدى. شىمكەنت قالاسىندا تۇندە نايزاعاي ويناۋى مۇمكىن.

قوستاناي، قاراعاندى، پاۆلودار وبلىستارى مەن نۇر-سۇلتاننىڭ كەي جەرلەرىندە قاتتى جاڭبىر، نايزاعاي، بۇرشاق، تۇمان كۇتىلەدى.

«ادىرنا» ۇلتتىق پورتالى

پىكىرلەر