قۇران نە ايتادى، ءدىن نە دەيدى؟

1489

«ءۇش قيان » باسپاسىنىڭ قولداۋىمەن ەلىمىزگە بەلگىلى پروفەسسور-اكادەميك حيسمەت بوزانۇلى تابىلديەۆتىڭ رۋحىنا ارنالعان، جۋرناليست (IFJ-مۇشەسى) تۇراربەك قۇسايىنوۆتىڭ اعارتۋشىلىق-تانىمدىق باعىتتا "قۇرانداعى يسلام"اتتى شاعىن كىتابىنىڭ تۇساۋكەسەرى بولدى.

بىرنەشە جيناقتارىمەن وقىرمان قاۋىمىنا تانىلىپ ۇلگەرگەن اۆتور بۇل ەڭبەگىندە تاريحي قالىپتاسقان ءارتۇرلى كوزقاراس پەن اعىمدارعا ءوز تۇجىرىمدارىن ارقاۋ ەتىپ ، حالىقارالىق ەكسترەميزم مەن تەرروريزمگە بايلانىستى كاسىبي جۋرناليستەر مەن قوعام بەلسەندىلەرى ءوز ويلارىن ورتاعا سالدى.

باعاسى 1000 تەڭگە.
ادرەس:
جىبەك-جولى-زەنكوۆا 50
"كۆارتال " بيزنەس-ورتالىعى،3-ءشى ەتاج،325كەڭسە(وفيس)
قۇرالاي: 8701 435 98 74

***

ءوز باسىم ءدىننىڭ اينالاسىنداعى ءيتىس-تارتىستاردان اۋلاق بولعىم كەلەدى. بۇل ءسىرا اقىلدى قۋلار مەن اقىلدى توپاستاردىڭ ەنشىسىندەگى تىرلىك. ىمىراعا كەلمەس قىم-قيعاش الىس-جۇلىس كۇرەس مەن بىلگەندە مىسىر جۇرتىنان ءوز قاۋىمىن ءبولىپ اپ، قۇداي نۇسقاعان جەرۇيىق مەكەنگە اتتاناتىن مۇسا پايعامباردان باستالعان. كەيىن جالپىدان ءبولىنىپ، جىك اشاتىن تاپ وسى ارەكەت يسا، مۇحامبەت پايعامبارلارعا دا ءتان بولدى.

ءبىر سۇراق مازالايدى. ون سەگىز مىڭ عالامدى جاراتۋشى - ۇلى كۇش يەسى قاسيەتتى كىتاپتارعا جازىلار اياندارىن نەگە تەك تاياۋ شىعىسقا تۇسىرە بەرگەن؟ جاراتۋشى سۇيگەن قۇلدارىن ازيا، امەريكا، اۆستراليا، ءسىبىر جۇرتىنان نەگە تاڭدامايدى؟ " قۇداي ءۇشىن ادام بالاسى بىردەي" دەيتىن مەن وقىعان قۇران، ءىنجىل، تاۋرات بۇعان ناقتى جاۋاپ بەرمەيدى.

بۇل كىتاپتاردىڭ ءتىلى جونىندە دە وسى ويلار توڭىرەكتەيدى.

جۋىردا جۋرناليست-زەرتتەۋشى تۇراربەك قۇسايىن باسپامىزعا "قۇرانداعى يسلام" كىتابىن اكەلدى. بروشيۋرا تۇرىندەگى شاعىن جيناعىنا يسلام ءدىنى حاقىنداعى ءوز كوزقاراسى مەن تۇجىرىمدارىن ورتاعا سالادى. قۇرانعا جۇگىنە وتىرىپ، حاديستەر ارقىلى نەگىزدەلەتىن دىندەگى ءتۇرلى شەكتەۋلەر مەن نۇسقاۋلاردى جوققا شىعارادى. پايعامباردان كەيىن ءجۇز جىل شاماسىندا العاشقى حاديستەر (سوزدەر) پايدا بولا باستاعان. ولار نەگىزىندە حاليفتەردەن كەيىن بيلىككە كەلگەن ۋماييا كەيىن ابباس اۋلەتىنىڭ ىڭعايىنا وراي جازىلعان. مىسالى حاديس جازعاندار سالدە، شاپان، ساقال، حيدجاب، جەردە وتىرىپ قولمەن تاماق جەۋ، ايەلدەردىڭ قۇقىن شەكتەۋ، پاتشا اللانىڭ جەردەگى ەڭ جاقىن ادامى سىندى قۇراندا جوق كوپتەگەن ماسەلەنى " پايعامباردىڭ سۇندەتى" دەگەن جەلەۋمەن جۇرتتىڭ ساناسىنا سىڭىرگەن. وسىلار جونىندە ەڭبەكتىڭ ءبىرىنشى بولىمىندە قامتىلعان.
ەكىنشىسى الاش ارىستارىنىڭ جاديدتىك ءىلىم، ۇستانىمدارى تۇرعىسىندا. ياعني ابايدان، ىبىرايدان باستاپ عۇمار قاراشتارعا دەيىنگى بەلگىلى تۇلعالار ۇستانعان جول ءسوز بولادى.

ءبىر سوزبەن كەيبىر نارسەلەرگە، كوپ جايلارعا وي جىبەرۋگە، بايلام جاساۋعا كەرەك كىتاپ. مۇنى ايتقاندا قۇراننىڭ ايات، سۇرەلەرى مەن حاديستىك توپشىلاۋلار قابىسپايتىن تۇستاردى مەڭزەپ وتىرمىن. ال كىم قالاي قابىلداۋى اركىمنىڭ ءوز ەركىندەگى شارۋا ەكەنى داۋسىز.

ماحمۋت قوسمامبەتوۆ،
ءۇش قيان باسپاسىنىڭ ديرەكتورى

پىكىرلەر
رەداكتسيا تاڭداۋى