ءبىرتانوۆتىڭ سوتتاعى ءسوزى: مەن جەمقور ەمەسپىن، ءبىر تيىن دا المادىم!

7470
Adyrna.kz Telegram

بۇرىنعى دەنساۋلىق ساقتاۋ ءمينيسترى ەلجان ءبىرتانوۆ سوتتا ءسوز سويلەدى. ول تەرگەۋ ورگاندارى وعان ءالى ايىپ تاقپاعانىن مالىمدەدى، دەپ حابارلايدى «ادىرنا» ۇلتتىق پورتالى.

«وسى جوبادان ءبىر تيىن بولسىن العانىم دالەلدەندى مە؟ مۇنى ەشكىم ەشقاشان دالەلدەي المايدى، ويتكەنى بۇنداي جاعداي بولعان جوق. مەنىڭ قوزعالىپ جاتقان سىبايلاس جەمقورلىققا قاتىستى قۇقىق بۇزۋشىلىقتارعا قاتىسىم جوق. پاندەميا كەزىندە ەشقانداي سىبايلاس جەمقورلىق ارەكەتتەرىن جاساعان جوقپىن. اسىرەسە پاندەمياعا قارسى كۇرەسكە دەپ بولىنگەن قاراجاتقا تيىسپەدىم»، – دەدى ءبىرتانوۆ.

سونىمەن قاتار بۇرىنعى دەنساۋلىق ساقتاۋ ءمينيسترى ەشقانداي زاڭسىز ارەكەت جاساماعانىن ايتتى.

«بۇرىنعى دەنساۋلىق ساقتاۋ ءمينيسترى رەتىندە پاندەميا الەمدىك اپات سەكىلدى كوپ ادامنىڭ ءومىرىن قيعانىن جانە بۇل ۆيرۋستان قازىر دە ادامدار كوز جۇمىپ جاتقانىن ايتقىم كەلەدى. وتكەن جىلدىڭ جازىندا مەديتسينالىق كومەك كورسەتۋدە اۋقىمدى پروبلەمالار بولدى. مەن بۇرىنعى دەنساۋلىق ساقتاۋ ءمينيسترى رەتىندە سالاعا جەتەكشىلىك ەتكەندىكتەن مەديتسينالىق كومەك كورسەتۋ ساپاسىنا جاۋاپتى ەكەنىمدى تولىقتاي تۇسىنەمىن. جاۋاپكەرشىلىكتەن جالتارىپ وتىرعان جوقپىن»، - دەدى ول.

"ادىرنا" ۇلتتىق پورتالى

پىكىرلەر