Burynǵy densaýlyq saqtaý mınıstri Eljan Birtanov sotta sóz sóıledi. Ol tergeý organdary oǵan áli aıyp taqpaǵanyn málimdedi, dep habarlaıdy «Adyrna» ulttyq portaly.
«Osy jobadan bir tıyn bolsyn alǵanym dáleldendi me? Muny eshkim eshqashan dáleldeı almaıdy, óıtkeni bundaı jaǵdaı bolǵan joq. Meniń qozǵalyp jatqan sybaılas jemqorlyqqa qatysty quqyq buzýshylyqtarǵa qatysym joq. Pandemııa kezinde eshqandaı sybaılas jemqorlyq áreketterin jasaǵan joqpyn. Ásirese pandemııaǵa qarsy kúreske dep bólingen qarajatqa tıispedim», – dedi Birtanov.
Sonymen qatar burynǵy densaýlyq saqtaý mınıstri eshqandaı zańsyz áreket jasamaǵanyn aıtty.
«Burynǵy densaýlyq saqtaý mınıstri retinde pandemııa álemdik apat sekildi kóp adamnyń ómirin qıǵanyn jáne bul vırýstan qazir de adamdar kóz jumyp jatqanyn aıtqym keledi. Ótken jyldyń jazynda medıınalyq kómek kórsetýde aýqymdy problemalar boldy. Men burynǵy densaýlyq saqtaý mınıstri retinde salaǵa jetekshilik etkendikten medıınalyq kómek kórsetý sapasyna jaýapty ekenimdi tolyqtaı túsinemin. Jaýapkershilikten jaltaryp otyrǵan joqpyn», - dedi ol.
"Adyrna" ulttyq portaly
