اقمولا وبلىسىندا 3 مامىردان 4 مامىرعا قاراعان ءتۇنى تاكسي جۇرگىزۋشىسى جولاۋشىلار قولىنان قازا تاپتى، دەپ حابارلايدى 716.kz اقپاراتتىق پورتالى.
بۋراباي اۋدانىنىڭ كەزەكشى بولىمىنە 45 جاستاعى جەرگىلىكتى تۇرعىننان قوڭىراۋ تۇسكەن. ول 19 جاستاعى ۇلىن ىزدەۋگە كومەكتەسۋدى سۇراعان.
پوليتسيا قىزمەتكەرلەرى ششۋچينسك قالاسىنىڭ 22 جاستاعى تۇرعىنى مەن قاتاركول اۋىلىنىڭ 20 جاستاعى تۇرعىنىن تۇتقىندادى.
الدىن الا نۇسقا بويىنشا، ەكى دوس كاتاركولدەن ششۋچينسككە كولىك ۇرلاۋ ءۇشىن بارۋدى ويلاستىرادى. ول جەرگە دەيىن يندرايۆەر ارقىلى تاپسىرىس بەرىپ، تاكسيمەن جەتىپ الۋدى كوزدەيدى. قاسكويلەردىڭ ارام پيعىلىنا 19 جاستاعى ءجاسوسپىرىم تاپ بولدى.
"جولاۋشىلار ماس كۇيدە بولعاندىقتان جۇرگىزۋشى ولاردىڭ كولىكتەن ءتۇسۋىن تالاپ ەتەدى. ونى ورىنداۋدان باس تارتقاندا جانجال شىعىپ، سوڭى توبەلەسكە ۇلاسادى. كۇدىكتىلەردىڭ ءبىرى جۇرگىزۋشىنى تۇنشىقتىرىپ، ەكىنشىسى شىنى بوتەلكەمەن باسىنان ۇرادى. جابىرلەنۋشى قۇلاعان كەزدە قاسكويدىڭ ءبىرى سىنىق بوتەلكەمەن جاس جىگىتتىڭ موينىن ءتىلىپ جىبەرەدى", – دەلىنگەن حابارلامادا.
Sputnik قازاقستان اقمولا وبلىسى پوليتسيا دەپارتامەنتىنىڭ ءباسپاسوز قىزمەتىنەن وسى وقيعاعا قاتىستى رەسمي ساۋال جولدادى. قازىرشە جاۋاپ كەلگەن جوق.
