پرەزيدەنت قاسىم-جومارت توقاەۆ ەلدىڭ ستراتەگيالىق ينفراقۇرىلىمىنىڭ قاۋىپسىزدىگىن كۇشەيتۋدى تاپسىردى. بۇل تۋرالى مەملەكەت باسشىسىنىڭ كەڭەسشىسى ءارى ءباسپاسوز حاتشىسى ايبەك سماديار ايتتى، دەپ حابارلايدى «ادىرنا» ءتىلشىسى.
«پرەزيدەنت قاسىم-جومارت توقاەۆ پرەمەر-مينيسترگە، كۇشتىك قۇرىلىمداردىڭ باسشىلارىنا، «سامۇرىق-قازىنا» ۇلتتىق ءال-اۋقات قورى مەن ۇلتتىق كومپانيالاردىڭ جەتەكشىلەرىنە، سونداي-اق ايماق اكىمدەرىنە تىرشىلىكتى قامتاماسىز ەتەتىن نىسانداردىڭ، كولىك، ەنەرگەتيكا جانە كوممۋنالدىق ينفراقۇرىلىمنىڭ، سونىڭ ىشىندە اۋەجايلاردىڭ، تەڭىز جانە وزەن پورتتارىنىڭ قاۋىپسىزدىك شارالارىن كۇشەيتۋدى تاپسىردى»،-دەلىنگەن حابارلامادا.
اتالعان جۇمىستى ۇيلەستىرۋ قاۋىپسىزدىك كەڭەسىنىڭ حاتشىسىنا جۇكتەلگەن.
ۇقساس جاڭالىقتار
