Aqmola oblysynda 3 mamyrdan 4 mamyrǵa qaraǵan túni taksı júrgizýshisi jolaýshylar qolynan qaza tapty, dep habarlaıdy 716.kz aqparattyq portaly.
Býrabaı aýdanynyń kezekshi bólimine 45 jastaǵy jergilikti turǵynnan qońyraý túsken. Ol 19 jastaǵy ulyn izdeýge kómektesýdi suraǵan.
Polıııa qyzmetkerleri ýchınsk qalasynyń 22 jastaǵy turǵyny men Qatarkól aýylynyń 20 jastaǵy turǵynyn tutqyndady.
Aldyn ala nusqa boıynsha, eki dos Katarkólden ýchınskke kólik urlaý úshin barýdy oılastyrady. Ol jerge deıin Indraıver arqyly tapsyrys berip, taksımen jetip alýdy kózdeıdi. Qaskóılerdiń aram pıǵylyna 19 jastaǵy jasóspirim tap boldy.
"Jolaýshylar mas kúıde bolǵandyqtan júrgizýshi olardyń kólikten túsýin talap etedi. Ony oryndaýdan bas tartqanda janjal shyǵyp, sońy tóbeleske ulasady. Kúdiktilerdiń biri júrgizýshini tunshyqtyryp, ekinshisi shyny bótelkemen basynan urady. Jábirlenýshi qulaǵan kezde qaskóıdiń biri synyq bótelkemen jas jigittiń moınyn tilip jiberedi", – delingen habarlamada.
Sputnik Qazaqstan Aqmola oblysy polıııa departamentiniń baspasóz qyzmetinen osy oqıǵaǵa qatysty resmı saýal joldady. Qazirshe jaýap kelgen joq.
