پرەزيدەنت تاپسىرماسى: سپورت جانە بالالاردىڭ شىعارماشىلىق الەۋەتىن قولداۋ بويىنشا قانداي ءىس-شارالار ىسكە استى

3122

مەملەكەت باسشىسىنىڭ ءباسپاسوز حاتشىسى بەرىك ءۋالي فەيسبۋك پاراقشاسىندا قاسىم-جومارت توقاەۆتىڭ 2020 جىلى جولداۋىندا سپورت جانە بالالاردىڭ شىعارماشىلىق جەتىلدىرۋ ءۇشىن ۇيىرمەلەر قايتا اشۋ تۋرالى تاپسىرماسى ورىندالعانىن جازدى، دەپ حابارلايدى «ادىرنا» ۇلتتىق پورتالى Strategy2050.kz-كە سىلتەمە جاساپ.

سپورتپەن اينالىساتىندار سانى 6 ملن-عا جۋىقتادى

مەملەكەت باسشىسى قاسىم-جومارت توقاەۆ 2020 جىلى جولداعان جولداۋىندا بۇقارالىق سپورتقا، دەنە تاربيەسىنە جانە بالالارعا باسىمدىق بەرۋ كەرەگىن، سونىمەن قوسا، ءار وبلىستا، ءىرى اۋدان ورتالىقتارىندا سپورت ۇيىرمەلەرىن اشۋ قاجەتتىگىن ايتقان بولاتىن.

دەنە شىنىقتىرۋ پەن بۇقارالىق سپورتتى دامىتۋ جونىندە 2020-2025 جىلدارعا ارنالعان كەشەندى جوسپار قابىلداندى

دەنە شىنىقتىرۋمەن جانە سپورتپەن جۇيەلى تۇردە اينالىساتىندار سانى 5,9 ملن ادامعا جەتتى، ونىڭ 560 908-ءى – بالالار مەن جاسوسپىرىمدەر.

127 703 سپورت سەكتسياسى، بالالار مەن جاسوسپىرىمدەرگە ارنالعان 477 سپورت مەكتەبى، سونداي-اق بالالار مەن جاسوسپىرىمدەردىڭ 686 دەنە شىنىقتىرۋ كلۋبى جۇمىس ىستەيدى.

بالالار مەن جاسوسپىرىمدەر دەنە شىنىقتىرۋ كلۋبتارى مەن دارىگەرلىك-دەنە شىنىقتىرۋ ديسپانسەرلەرىنىڭ جەلىسى كەڭەيتىلدى.

ءبىلىم بەرۋدىڭ بارلىق دەڭگەيىندە دەنە تاربيەسى ساباقتارىندا ۇلتتىق سپورت تۇرلەرى بويىنشا مىندەتتى كومونەنتتەر ەنگىزىلدى. ءاربىر اۋىلدىق وكرۋگ ءۇشىن سپورت جونىندەگى 3 000 نۇسقاۋشى بەلگىلەندى.

مەملەكەتتىك قولداۋدىڭ جاڭا ينستيتۋتى ەنگىزىلدى

سونىمەن قوسا، پرەزيدەنت ءوز جولداۋىندا «بالالار ۇيىرمەسى» قىزمەتىن قايتا قالپىنا كەلتىرگەن ءجون. وندا جاستارىمىز قولونەردىڭ جانە شىعارماشىلىقتىڭ باستاپقى نەگىزدەرىمەن تانىسار ەدى» دەپ تە ايتقان بولاتىن. وسى باعىتتا دا شارالار قولعا الىنىپ، جۇزەگە اسقان.

مەملەكەتتىك شىعارماشىلىق جانە سپورتتىق تاپسىرىستى ىسكە اسىرۋ ارقىلى بالالار مەن جاسوسپىرىمدەردىڭ شىعارماشىلىق جانە سپورتتىق الەۋەتىن ارتتىرۋ ءۇشىن مەملەكەتتىك قولداۋدىڭ جاڭا ينستيتۋتى ەنگىزىلدى.

2021 جىلدىڭ 1 مامىرىنان باستاپ مەملەكەتتىك شىعارماشىلىق جانە سپورتتىق تاپسىرىس جۇزەگە اسىرىلادى.

2021 جىلى جەرگىلىكتى اتقارۋشى ورگاندار تاراپىنان مەملەكەتتىك شىعارماشىلىق تاپسىرىستى ىسكە اسىرۋعا 2,4 ملرد تەڭگە سپورتتىق تاپسىرىستى ىسكە اسىرۋعا 3,7 ملرد تەڭگە ءبولۋ كوزدەلگەن.

2021 جىلى رەسپۋبليكا بويىنشا، جان باسىنا شاققاندا 23,5 مىڭ شىعارماشىلىق ۇيىرمە جانە 1029 سپورت سەكتسياسى قارجىلاندىرىلادى. وندا شامامەن 43,3 مىڭ بالا سپورتپەن جانە شىعارماشىلىقپەن تەگىن اينالىساتىن بولادى (شىعارماشىلىق ۇيىرمەلەردە – 23,5 مىڭ بالا، سپورت سەكتسيالارىندا – 21 548 بالا).

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket