Memleket basshysynyń baspasóz hatshysy Berik Ýálı Feısbýk paraqshasynda Qasym-Jomart Toqaevtyń 2020 jyly Joldaýynda sport jáne balalardyń shyǵarmashylyq jetildirý úshin uıirmeler qaıta ashý týraly tapsyrmasy oryndalǵanyn jazdy, dep habarlaıdy «Adyrna» ulttyq portaly Strategy2050.kz-ke silteme jasap.
Sportpen aınalysatyndar sany 6 mln-ǵa jýyqtady
Memleket basshysy Qasym-Jomart Toqaev 2020 jyly joldaǵan joldaýynda buqaralyq sportqa, dene tárbıesine jáne balalarǵa basymdyq berý keregin, sonymen qosa, ár oblysta, iri aýdan ortalyqtarynda sport úıirmelerin ashý qajettigin aıtqan bolatyn.
Dene shynyqtyrý pen buqaralyq sportty damytý jóninde 2020-2025 jyldarǵa arnalǵan keshendi jospar qabyldandy
Dene shynyqtyrýmen jáne sportpen júıeli túrde aınalysatyndar sany 5,9 mln adamǵa jetti, onyń 560 908-i – balalar men jasóspirimder.
127 703 sport sekııasy, balalar men jasóspirimderge arnalǵan 477 sport mektebi, sondaı-aq balalar men jasóspirimderdiń 686 dene shynyqtyrý klýby jumys isteıdi.
Balalar men jasóspirimder dene shynyqtyrý klýbtary men dárigerlik-dene shynyqtyrý dıspanserleriniń jelisi keńeıtildi.
Bilim berýdiń barlyq deńgeıinde dene tárbıesi sabaqtarynda ulttyq sport túrleri boıynsha mindetti komonentter engizildi. Árbir aýyldyq okrýg úshin sport jónindegi 3 000 nusqaýshy belgilendi.
Memlekettik qoldaýdyń jańa ınstıtýty engizildi
Sonymen qosa, prezıdent óz Joldaýynda «Balalar úıirmesi» qyzmetin qaıta qalpyna keltirgen jón. Onda jastarymyz qolónerdiń jáne shyǵarmashylyqtyń bastapqy negizderimen tanysar edi» dep te aıtqan bolatyn. Osy baǵytta da sharalar qolǵa alynyp, júzege asqan.
Memlekettik shyǵarmashylyq jáne sporttyq tapsyrysty iske asyrý arqyly balalar men jasóspirimderdiń shyǵarmashylyq jáne sporttyq áleýetin arttyrý úshin memlekettik qoldaýdyń jańa ınstıtýty engizildi.
2021 jyldyń 1 mamyrynan bastap memlekettik shyǵarmashylyq jáne sporttyq tapsyrys júzege asyrylady.
2021 jyly jergilikti atqarýshy organdar tarapynan memlekettik shyǵarmashylyq tapsyrysty iske asyrýǵa 2,4 mlrd teńge sporttyq tapsyrysty iske asyrýǵa 3,7 mlrd teńge bólý kózdelgen.
2021 jyly respýblıka boıynsha, jan basyna shaqqanda 23,5 myń shyǵarmashylyq úıirme jáne 1029 sport sekııasy qarjylandyrylady. Onda shamamen 43,3 myń bala sportpen jáne shyǵarmashylyqpen tegin aınalysatyn bolady (shyǵarmashylyq úıirmelerde – 23,5 myń bala, sport sekııalarynda – 21 548 bala).
