وزبەكستاندا زەينەتاقى تولەۋ جۇيەسى تۇبەگەيلى وزگەرىسكە ۇشىراماق، دەپ حابارلايدى «ادىرنا» ءتىلشىسى.
پارلامەنتتىڭ ءباسپاسوز قىزمەتى حابارلاعانداي، زاڭ جوباسى مەملەكەتتىك زەينەتاقى جۇيەسىندە ازاماتتار ءۇشىن بىرقاتار جەڭىلدىكتەر مەن جاعدايلار جاساۋ، الەۋمەتتىك ادىلەتتىلىكتى نىعايتۋ، زەينەتاقى تاعايىنداۋعا جانە تولەۋگە ءوتىنىش بەرگەن كەزدە ازاماتتار ءۇشىن قولايلى جاعدايلار مەن جەڭىلدىكتەر جاساۋ ماقساتىندا ازىرلەندى.
نەگىزگى وزگەرىستەردىڭ ءبىرى – زەينەتاقىنى قولما-قول اقشامەن بەرۋ، ياعني تىكەلەي ۇيگە جەتكىزۋ، «حالىق بانكى» مونوپولياسىنىڭ كۇشىن جويىپ، ونى تاعايىنداۋ كەزىندە بيۋروكراتيانى جەڭىلدەتۋ.
سونىمەن قاتار، جاڭا زاڭ بويىنشا جۇمىس ىستەيتىن ازاماتتار بولاشاقتا جۇمىس ىستەمەيتىن جۇبايلارىن زەينەتاقىمەن قامتاماسىز ەتە الادى. ول ءۇشىن ەر ادامدار ءوز كىرىستەرىنەن اي سايىن الەۋمەتتىك سالىق تولەۋلەرى قاجەت. بۇل ءوز كەزەگىندە بولاشاقتا بالا كۇتىمىمەن جانە وتباسىنداعى باسقا دا جۇمىستارمەن اينالىساتىن نەمەسە جۇبايىنىڭ ءوتىنىشى بويىنشا جۇمىس ىستەمەيتىن ايەل ادامعا زەينەتاقى بەرۋگە مۇمكىندىك بەرەدى.
«ادىرنا» ۇلتتىق پورتالى
