Ózbekstanda zeınetaqy tóleý júıesi túbegeıli ózgeriske ushyramaq, dep habarlaıdy «Adyrna» tilshisi.
Parlamenttiń baspasóz qyzmeti habarlaǵandaı, zań jobasy memlekettik zeınetaqy júıesinde azamattar úshin birqatar jeńildikter men jaǵdaılar jasaý, áleýmettik ádilettilikti nyǵaıtý, zeınetaqy taǵaıyndaýǵa jáne tóleýge ótinish bergen kezde azamattar úshin qolaıly jaǵdaılar men jeńildikter jasaý maqsatynda ázirlendi.
Negizgi ózgeristerdiń biri – zeınetaqyny qolma-qol aqshamen berý, ıaǵnı tikeleı úıge jetkizý, «Halyq banki» monopolııasynyń kúshin joıyp, ony taǵaıyndaý kezinde bıýrokratııany jeńildetý.
Sonymen qatar, jańa zań boıynsha jumys isteıtin azamattar bolashaqta jumys istemeıtin jubaılaryn zeınetaqymen qamtamasyz ete alady. Ol úshin er adamdar óz kiristerinen aı saıyn áleýmettik salyq tóleýleri qajet. Bul óz kezeginde bolashaqta bala kútimimen jáne otbasyndaǵy basqa da jumystarmen aınalysatyn nemese jubaıynyń ótinishi boıynsha jumys istemeıtin áıel adamǵa zeınetaqy berýge múmkindik beredi.
«Adyrna» ulttyq portaly
