اقتوبە وبلىسىنداعى سامارا-شىمكەنت تاس جولىندا قايعىلى جول-كولىك وقيعاسى بولىپ، ەكى ادام قازا تاپتى، دەپ حابارلايدى «ادىرنا» ءتىلشىسى.
«03 مامىر كۇنى ساعات 11.30-دا "ۆاز-2105" اۆتوماشيناسىنىڭ 33 جاستاعى جۇرگىزۋشىسى قىزىلوردا وبلىسىنىڭ تۇرعىنى "سامارا-شىمكەنت" اۆتوجولىمەن ءجۇرىپ كەلە جاتىپ، "تۇلپار" كەمپينگىنىڭ جانىندا قىزىلوردا قالاسىنىڭ تۇرعىنى، 40 جاستاعى جۇرگىزۋشىنىڭ باسقارۋىنداعى "كاماز" جۇك اۆتوكولىگىمەن سوقتىعىسقان. جول-كولىك وقيعاسى سالدارىنان ۆاز اۆتوكولىگىنىڭ جۇرگىزۋشىسى مەن 29 جاستاعى جولاۋشىسى العان جاراقاتىنان وقيعا ورنىندا كوز جۇمدى»،– دەپ مالىمدەدى وبلىستىق پوليتسيا دەپارتامەنتى.
قازىرگى تاڭدا قر قك 345-بابى 4-بابى «ابايسىزدا ادام ولىمىنە اكەپ سوققان جقە بۇزۋ» بويىنشا تەرگەۋ امالدارى جۇرگىزىلۋدە.
اقتوبە وبلىسى پد باستىعىنىڭ ايتۋىنشا، جكو-نىڭ نەگىزگى سەبەپتەرى جول قوزعالىسى ەرەجەلەرىن ەلەمەۋ، اتاپ ايتقاندا جىلدامدىق رەجيمىن ساقتاماۋ، قارسى قوزعالىس جولاعىنا شىعۋ جانە رولدە ۇيىقتاۋ بولىپ تابىلادى.
«ادىرنا» ۇلتتىق پورتالى
