Aqtóbe oblysyndaǵy Samara-Shymkent tas jolynda qaıǵyly jol-kólik oqıǵasy bolyp, eki adam qaza tapty, dep habarlaıdy «Adyrna» tilshisi.
«03 mamyr kúni saǵat 11.30-da "VAZ-2105" avtomashınasynyń 33 jastaǵy júrgizýshisi Qyzylorda oblysynyń turǵyny "Samara-Shymkent" avtojolymen júrip kele jatyp, "Tulpar" kempınginiń janynda Qyzylorda qalasynyń turǵyny, 40 jastaǵy júrgizýshiniń basqarýyndaǵy "Kamaz" júk avtokóligimen soqtyǵysqan. Jol-kólik oqıǵasy saldarynan VAZ avtokóliginiń júrgizýshisi men 29 jastaǵy jolaýshysy alǵan jaraqatynan oqıǵa ornynda kóz jumdy»,– dep málimdedi oblystyq polıııa departamenti.
Qazirgi tańda QR QK 345-baby 4-baby «Abaısyzda adam ólimine ákep soqqan JQE buzý» boıynsha tergeý amaldary júrgizilýde.
Aqtóbe oblysy PD bastyǵynyń aıtýynsha, JKO-nyń negizgi sebepteri jol qozǵalysy erejelerin elemeý, atap aıtqanda jyldamdyq rejımin saqtamaý, qarsy qozǵalys jolaǵyna shyǵý jáne rólde uıyqtaý bolyp tabylady.
«Adyrna» ulttyq portaly
