قىتايدىڭ شىڭجاڭ ايماعىنداعى كونە مەشىتتىڭ ءبىرى مەيرامحانا مەن قوناق ۇيگە اينالعان. بۇل تۋرالى RFA اگەنتتىگى جازدى. قۇلجا قالاسىنداعى مەشىتتى بىرنەشە جىل بۇرىن شىڭجاڭ بيلىگى بەيجىڭدىك كاسىپكەرگە جالعا بەرگەن. كاسىپكەر مەشىتتى قوناق ءۇي مەن مەيرامحاناعا اينالدىرىپ جىبەرگەن.
Facebook پەن Twitter الەۋمەتتىك جەلىسىنە ۇيعىر حالقىنىڭ وكىلدەرى اتالمىش مەشىتتە تۇسىرىلگەن ۆيدەونى جاريالاعان. وندا ۇيعىر ۇلتىنىڭ بيشىلەرى بي بيلەپ، قوناقتار ساجدەگە جىعىلاتىن جەردە شاي ءىشىپ وتىرعانىن كورۋگە بولادى. RFA اگەنتتىگىنىڭ زەرتتەۋى بويىنشا مەشىتتى بەيجىڭدىك كاسىپكەر 2019 جىلى جالعا الىپ، ونى تۋريستەرگە ارناپ مەيرامحانا مەن قوناق ءۇي كەشەنى بار ورتالىققا اينالدىرعان. Ghulja Daily اقپاراتتىڭ اگەنتتىگىنىڭ مالىمەتىنە ساي، قوناق ءۇي 2020 جىلدان باستاپ جۇمىس ىستەپ جاتقانىن بىلۋگە بولادى. ول قىتايلىق Gu Ying تۋريستىك كومپانياسىنا تيەسىلى كورىنەدى. كومپانيانىڭ سايتىندا بۇرىنعى مەشىتتىڭ قازىرگى سيپاتى جازىلعان. وندا 9 دەمالىس بولمەسى، سالتانات سارايى مەن مەيرامحانا بار ەكەنى جازىلعان. بۇرىنعى مەشىتتىڭ قازىرگى كورىنىسى تومەندەگىدەي:
قىتاي بيلىگى بىرنەشە جىل قاتارىنان شىڭجاڭ ايماعىندا ساياسي قۋدالاۋ ادىستەرىن قولدانىپ كەلەدى. ارنايى لاگەرلەرگە از ۇلتتاردى قاماپ، ءماجبۇرلى تۇردە يدەولوگيالىق ساباقتار وتۋدە. ونىڭ ىشىندە قازاق، ۇيعىر جانە وزگە ۇلت وكىلدەرى دە بار. قىتايدىڭ بۇل ساياساتىن قاتاڭ ايىپتاعان باتىس بەيجىڭگە سانكتسيا سالۋدى جالعاستىرۋدا.
اسحات قاسەنعالي،
"ادىرنا" ۇلتتىق پورتالى
