«ازاماتتارعا ارنالعان ۇكىمەتتىڭ» باسقارما توراعاسى ءادىل قوجيحوۆ ارنايى حقكو جۇمىس ىستەۋىندە پايدا بولعان ولقىلىقتاردىڭ سەبەبىن ءتۇسىندىردى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە ءادىل قوجيحوۆ بۇل ماسەلە ەسكىرگەن جۇيەگە بايلانىستى تۋىنداعانىن ايتتى.
وكىنىشكە وراي، وسىدان 10 جىل بۇرىن 30-40 قىزمەت ءتۇرىن ۇسىناتىن جۇيەلەر قازىرگى كەزدە ءاردايىم بىرنەشە ەسە ارتقان جۇكتەمەنى جەڭە المايدى. سوندىقتان، قازىر ءبىزدىڭ ماماندار ءبىرىنشى كەزەكتە ارنايى حقكو-دا كورسەتىلەتىن قىزمەتتەردەن باستاپ حقو اج-نى كەڭ اۋقىمدى مودەرنيزاتسيالاۋعا كىرىستى »، - دەدى ءادىل قوجيحوۆ.
سونداي-اق، ءادىل قوجيحوۆ قازىر جۇيەگە قاتىستى ماسەلە شەشىلگەنىن جانە ارنايى حقكو-تار كليەنتتەردى قابىلداۋعا دايىن ەكەنىن ايتتى.
«قازىر ءبىز كليەنتتەردى شتاتتى رەجيمدە قابىلدايمىز، ەلدەگى جاعدايدى ۇنەمى قاداعالاپ وتىرامىز. ەلدەگى ەپيدەميولوگيالىق جاعدايدى سيتۋاتسيالىق ورتالىق قىزمەتكەرلەرى ارنايى حقكو جۇمىسشىلارىنا مالىمدەپ وتىرادى. «ازاماتتارعا ارنالعان ۇكىمەت»-تە ورىن العان ۇزىلىستەر ءۇشىن مەملەكەتتىك كورپوراتسيا اتىنان تاعى دا كەشىرىم سۇراعىم كەلەدى", دەپ جازدى ول.
ەستەرىڭىزگە سالا كەتەيىك، 30 ساۋىردە ارنايى حالىققا قىزمەت كورسەتۋ ورتالىقتارىنىڭ جۇمىسىندا سەرۆەرلەرگە قاتىستى تەحنيكالىق اقاۋلار بايقالعان بولاتىن.
"ادىرنا" ۇلتتىق پورتالى
