2021 جىلدىڭ باسىندا قازاقستانداعى ءبىر قىزمەتكەردىڭ ورتاشا ايلىق اتاۋلى جالاقىسى 230 829 تەڭگەنى قۇرادى. بۇل تۋرالى ۇلتتىق ستاتيستيكا بيۋروسى ءمالىم ەتتى، دەپ حابارلايدى "ادىرنا" ۇلتتىق پورتالى.
اتاۋلى جالاقى يندەكسى 2020 جىلعى جالاقى يندەكسى 107,4% -دى، ال ءتيىستى توقسانىنا 115,2% قۇرادى.
وڭىرلىك بولىنىستە ەڭ جوعارعى ورتاشا ايلىق جالاقى اتىراۋ وبلىسىندا تىركەلدى – 405,8 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,7 ەسە جوعارى.
"سالالىق قۇرىلىمدا ەڭ ۇلكەن اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋ – 509,8 مىڭ تەڭگە (ورتاشا رەسپۋبليكالىق دەڭگەيدەن 2,2 ەسە جوعارى), قارجى جانە ساقتاندىرۋ قىزمەتىندە – 420,8 مىڭ تەڭگە (1,8 ەسەگە استى), كاسىبي، عىلىمي جانە تەحنيكالىق قىزمەتتە – 345,7 مىڭ تەڭگە (1,5 ەسەگە استى), اقپارات جانە بايلانىس سالاسىندا – 328,1 مىڭ تەڭگە (1,4 ەسەگە سايكەس). ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعىنىڭ قىزمەتكەرلەرىندە – 116,1 مىڭ تەڭگە جانە سۋمەن جابدىقتاۋ; قالدىقتاردى جيناۋ، وڭدەۋ جانە جويۋ، لاستانۋدى جويۋ بويىنشا -141,8 مىڭ تەڭگە بەلگىلەندى", - دەلىندى حابارلامادا.
ەڭ از جالاقى سولتۇستىك قازاقستان وبلىسىندا بولدى - 166,7 مىڭ تەڭگەنى قۇرادى. بۇل ەل بويىنشا ورتاشا دەڭگەيدەن 27,8%-عا تومەن.
"ادىرنا" ۇلتتىق پورتالى
(فوتو tengrinews.kz)
