قىرعىزستان مەن تاجىكستان شەكاراسىنداعى قاقتىعىستا قايتىس بولعاندار سانى 13 ادامعا جەتتى. بۇل تۋرالى قىرعىزستان دەنساۋلىق ساقتاۋ مينيسترلىگى ايتتى، دەپ حابارلايدى «ادىرنا» ۇلتتىق پورتالى Orda.kz سايتىنا سىلتەمە جاساپ.
قاقتىعىس سالدارىنان بارلىعى 134 ادام زارداپ شەككەن. ولاردىڭ 25-ءىن 30 ساۋىرگە قاراعان ءتۇنى ارنايى ۇشاقپەن بىشكەككە اپاردى. ەكى ادام وتە اۋىر جاعدايدا جاتىر. قالعاندارىنىڭ جاعدايى تۇراقتى.
بۇعان دەيىن ءۇش ادامنىڭ قازا تاپقانى تۋرالى ايتىلعان بولاتىن. دەنساۋلىق ساقتاۋ مينيسترلىگىنىڭ حابارلاۋىنشا، ولاردىڭ اراسىندا 13 جاستاعى قىز بالا بولعان. ول اۋرۋحاناعا بارا جاتقان جولدا ومىردەن وتكەن.
"ادىرنا" ۇلتتىق پورتالى
