تۇڭعىش پرەزيدەنت نۇرسۇلتان نازارباەۆ ۇسىنعان «5 الەۋمەتتىك باستاما» الى كۇنگە وزەكتىلىگىن جوعالتقان جوق. جالپى ەل تۇرعىندارىنىڭ حال-احۋالىنىڭ جاقسارۋىن كوزدەگەن جوبانىڭ ءبىر تارماعى ءبىلىم سالاسىن قامتىپ وتىر. بۇگىنگى كۇنى قر ءبىلىم جانە عىلىم مينيستىرلىگى «قارجى ورتالىعى» اق «ءبىلىم بەرۋ سالاسىنداعى بەس الەۋمەتتىك جوبانى» ىسكە اسىرۋدا.
اتالعان باعىتتاعى جوبانىڭ نەگىزگى تەتىكتەرى، نىسانالى مەملەكەتتىك تاپسىرىستى ورنالاستىرۋ كوزدەرى شەڭبەرىندە ستۋدەنتتەر جاتاقحانالارىن سالۋ جانە قايتا جوندەۋدەن وتكىزۋ، جەكەمەنشىك مەكتەپتەر قۇرىلىسى، ءبىلىم بەرۋ جيناق شوتىن جاساقتاۋ، جوو-دا وقۋ ءۇشىن نەسيەگە كەپىلدىك بەرۋ بولىپ تابىلادى.
ەلباسى تاپسىرماسىنا سايكەس، بۇگىنگى تاڭدا رەسپۋبليكانىڭ بارلىق ايماقتارىندا جوعارى ساپالى «ستۋدەنتتەر ءۇيى» سالىنىپ باستالدى. بۇل رەتتە الماتى وبلىسى العاشقىلاردىڭ ءبىرى بولىپ، بەرىلگەن تاپسىرمانى ناتيجەلى ورىنداعان ايماقتاردىڭ قاتارىندا ساپ تۇزەپ تۇرعانىن اتاپ وتكەن ءجون. ءدال وسىلاي الەۋمەتتىك باستامانىڭ اياسىندا الماتى، شىمكەنت قالالارىندا زاماناۋي تالاپتارعا ساي جاتاقحانالار بىلىمگەر جاستىڭ يگىلىگىنە قولدانىسقا بەرىلىپ ۇلگەرگەن. الداعى تاڭدا وسى تەكتەس جۇمىستار جالعاسىن تاپپاق. ءبىر ايتا كەتەرلىگى مەردىگەرلەر قۇرىلىستى جەكە قاراجاتى ەسەبىنەن جۇرگىزەدى. باستى تالاپ، عيمارات پايدالانۋعا وتكەننەن كەيىن، اۋەلگى فۋنكتسياسىن اتقارۋى ءتيىس. ياعني ول وزگە كاسىپورىننىڭ بيزنەس باستايتىن نىسانى اكي، وزگەدە ماقساتتارعا پايدالانىلمايدى. مەردىگەرلەرگە، مەملەكەت تاراپىنان "قاراپايىم زاتتار ەكونوميكاسى" شەڭبەرىندە 9% مولشەرلەمەمەن بانك ارقىلى سۋبسيديا بەرىلىپ، دايىن جوبالىق- سمەتالىق قۇجات ۇسىنىلادى. ايتا كەتەيىك، بۇل مەملەكەتتىك تاپسىرىستان تىس كورسەتىلەتىن كومەكتەر بولىپ سانالادى.
جوبانىڭ ەندىگى، باعىتى مەملەكەتتىك ءبىلىم بەرۋ جيناقتاۋ جۇيەسى. بۇل قازاقستان رەسپۋبليكاسىنىڭ كەز كەلگەن ازاماتى ءۇشىن ءوز اتىنا نە بالانىڭ اتىنا ءبىلىم بەرۋ جيناقتاۋ سالىمىن اشۋ مۇمكىندىگىن بەرەدى. ونى بولاشاقتا قازاقستاندا جانە شەتەلدە كاسىپتىك-تەحنيكالىق جانە جوعارى ءبىلىم الۋ جولىندا كادەگە جاراتۋعا بولادى. باعدارلامانىڭ اتاۋى - «AQYL».
- دەپوزيت ءۇشىنشى تۇلعالار تاراپىنان شەكتەۋلەردەن زاڭدى تۇردە قورعالعان;
- سالىمشى وتباسى بيۋدجەتىنىڭ مۇمكىندىكتەرىنە بايلانىستى جيناقتاۋ سوماسى مەن مەرزىمىن دەربەس ايقىندايدى;
- ءبىلىم بەرۋ گرانتىن العان جاعدايدا جيناقتالعان قاراجاتتى ءوز قالاۋىڭىز بويىنشا پايدالانا الاسىز;
- «Aqyl» ءبىلىم بەرۋ دەپوزيتتەرى قازاقستاندىق قورمەن قورعالعان;
- 10 ميلليون تەڭگەگە دەيىنگى سوماعا دەپوزيتتەرگە كەپىلدىك بەرەدى;
- مەملەكەتتىك سىياقى- 5%، 7%-دى قۇرايدى.
ۇقساس جاڭالىقتار
