Tuńǵysh prezıdent Nursultan Nazarbaev táýelsizdik alǵannan beri qazaqstandyqtardyń tabysy 9 ese óskenin málimdedi, dep habarlaıdy “Adyrna” ulttyq portaly Sputnik Qazaqstan saıtyna silteme jasap.
"Halyqtyń tabysy toǵyz ese ósti. Árıne, áli de aqshasy jetpeıtin, ómirde óz ornyn taba almaǵan adamdar bar. Biraq tabystyń toǵyz ese óskeni bul – fakt. Biz, aǵa býyn munyń ne ekenin jaqsy túsinemiz jáne qazir qıyn jaǵdaıda júrgen adamdardyń tabysy kóbeıgenin qalaımyz", - dedi Nazarbaev QHA-nyń 29-shy sessııasynda.
Elbasy Táýelsizdik jyldarynda jan basyna shaqqandaǵy jalpy ishki ónim 13 ese artqanyn atap ótti.
"Muny aıtý ońaı, árıne, biraq tutas elge on úsh ese ósirý bul – siz ben bizdiń ortaq eńbegimiz. JIÓ osy ýaqyt aralyǵynda on ese ósti. Keńes odaǵy qulaǵannan keıin Qazaqstanda eki mıllıonnan astam adam jumyssyz qalǵany esimde. Sol kezde halyqtyń 47 proenti kedeılik sheginen de tómen deńgeıde ómir súrdi. Búginde sol 47 proent on proentten de az. Al jumyssyzdyq úsh ese, 4,5 proentke deıin qysqardy", - dedi Nazarbaev.
Elordada Tuńǵysh prezıdent, QHA tóraǵasy Nursultan Nazarbaevtyń qatysýymen Qazaqstan halqy Assambleıasynyń XXIX sessııasy ótip jatyr.
Assambleıanyń kezekti sessııasynyń kún taqyryby "Birliktiń, tatýlyq pen kelisimniń 30 jyly" dep ataldy.
