الماتى قالالىق كارديولوگيالىق ورتالىعى 300-گە جۋىق قىزمەتكەرى ءماجبۇرلى تۇردە جۇمىستان كەتتى، دەپ حابارلايدى «ادىرنا» ۇلتتىق پورتالى.
9-شى شىلدەدە ۇيعىر تەاترى توڭىرەگىندەگى قاراعاي ساياباعىندا دەپۋتاتتار جيىنى ءوتتى. جيىندا كوتەرىلگەن باس ماسەلە - كارديو ورتالىقتىڭ قانشا قىزمەتكەرىنىڭ ەركىنەن تىس جۇمىستان كەتكەنى.
قر پارلامەنتى ءماجىلىس دەپۋتاتى تاۋ نۇرگۇل سوزىنشە، “اۋەلى 150-گە جۋىق مامان ورتالىقتاعى لاۋازىمىنان بوساتىلعان” دەگەن 92 ادام قولى بار قاعاز كەپ تۇسكەن. ءبىر تاراپ بۇل جاعدايدى باسقا قىرىنان تۇسىندىرسە، ارىز جازعان ەكىنشى تاراپ كوپ ۇزاماي بايلانىسقا شىعىپ، ءوز نۇسقاسىن تاپتىشتەدى.
كارديو ورتالىقتا اعا مەدبيكە بوپ ىستەگەن دۋحماحوۆا ساۋلە ورىنسىز ورنىنان كەتكەندەردىڭ ءبىرى. ول وسى ورتالىقتا 30 جىلدان اسا ەڭبەك ەتكەنىن ءارى جاڭادان كەلگەن باسشى 6 اي ىشىندە ايلىعىن 50%-عا قىسقارتىپ، اعا مەيىربيكە قىزمەتىنەن قاتارداعى مەيىربيكە قىپ بولەك بولىمشەگە جىبەرگەنىن ايتتى. جاسىنان جاسامىسى كوپ شاعىمدانۋشىلار زەينەتكە 1 نە 2-اق جىل قالعاندا وسىنداي بەينەت كورىپ وتىر.
“ەكى ادام قاعىسسا، ءبىر كىسىلىك ورىن بار” دەمەكشى، 300 ەڭبەككەر ورنىن ەندى كىم باسادى؟
تولىعىراق Instagram پاراقشامىزدا!
