28 ءساۋىر 2021 جىل، «اق جول» دەموكراتيالىق پارتياسىنىڭ ءباسپاسوز قىزمەتى
ەاەو ىشىندەگى شەكارالىق باقىلاۋدىڭ رەسەي تاراپىنان بىرجاقتى قاتاڭداتىلۋى بيزنەسكە تىكەلەي قارجىلىق زالال كەلتىرەدى جانە بىرىڭعاي ەكونوميكالىق كەڭىستىك قاعيداتتارىنا سايكەس كەلمەيدى. بۇل تۋرالى ازات سەمبينوۆ فراكتسيانىڭ قازاقستاننىڭ ۇلتتىق ەكونوميكالىق مۇددەلەرىن قورعاۋعا ارنالعان دەپۋتاتتىق ساۋالىندا مالىمدەدى.
قر ساۋدا جانە ينتەگراتسيا ءمينيسترى
ب.ت. سۇلتانوۆقا
قازاقستاننىڭ ترانزيتتىك الەۋەتى رەسپۋبليكانىڭ ەكونوميكالىق دامۋىنىڭ ماڭىزدى رەسۋرستارىنىڭ ءبىرى بولىپ تابىلادى. وسى ماقساتتا تۇڭعىش پرەزيدەنت 2008 جىلى تەڭىز مارشرۋتتارىمەن، ەڭ الدىمەن جۇكتەردى جەتكىزۋ جىلدامدىعى ەسەبىنەن باسەكەلەسۋگە ءتيىس باتىس ەۋروپا-باتىس قىتاي كولىك جولىنىڭ قۇرىلىسىن باستادى.
اتالعان جوبانى ىسكە اسىرۋعا قازاقستان شامامەن 5,5 ملرد كولەمىندە اقش دوللارىن حالىقارالىق قارجىلاندىرۋ تارتتى، قازىردە ونى ەل پايىزدارمەن وتەۋدە.
الايدا، قازىردىڭ وزىندە سالىنعان جول جانە ونىڭ قارجىلىق قايتارىمى ۋاكىلەتتى ورگانداردىڭ باياۋلاۋىنا بايلانىستى تەجەلۋدە. ماسەلەن، شامامەن ءبىر جىل بويى قازاق-قىتاي شەكاراسىنداعى «نۇر جولى» حالىقارالىق پۋنكتىندە جۇزدەگەن اۆتوكولىك كەزەكتە تۇرىپ قالۋدا. «اق جول» فراكتسياسى وتكەن جازدان باستاپ ۇكىمەتكە وسى ماسەلە بويىنشا بىرنەشە رەت جۇگىنگەن بولاتىن، بىراق تاياۋدا عانا جاركەنتتە ورىن العان جانجال كورسەتىپ وتىرعانداي، ماسەلە ءالى شەشىلگەن جوق.
سونداي-اق، قۇرىلعان ەۋرازيالىق ەكونوميكالىق وداققا قاراماستان، رەسەيمەن شەكارادا مەزگىل-مەزگىلىمەن كەپتەلىستەر پايدا بولادى.
«اق جول» پارتياسىنا كاسىپكەرلەر بىرنەشە كۇن بويى قازاق-رەسەي شەكاراسىنداعى «سىرىم» وتكىزۋ پۋنكتىندە ءۇش جۇزدەن استام اۆتوفۋرالاردىڭ كەپتەلىستە تۇرىپ قالعانى تۋرالى شاعىممەن جۇگىندى.
وتكىزۋ پۋنكتتەرىندەگى كەپتەلىستەردىڭ سەبەبى - رەسەي تاراپىنان وتكىزۋدى بىرجاقتى قاتايتۋ جانە رەسەي شەكاراشىلارىنىڭ اۆتوموبيل كورپۋسىنداعى تەحنولوگيالىق وتكەلدەردى جابدىقتاۋ تالابى. الايدا، مۇنداي تالاپتار ەاەو ستاندارتتارىندا جانە رەگلامەنتتەرىندە جۇك تاسىمالدارىنا قاتىستى كوزدەلمەگەن.
«اق جول» فراكتسياسىنىڭ دەپۋتاتتارى ەاەو تۋرالى شارتتىڭ 1-بابىنا سايكەس ەكونوميكالىق وداق شەڭبەرىندە تاۋارلاردىڭ، قىزمەتتەر مەن كاپيتالدىڭ ەركىن قوزعالىسى قامتاماسىز ەتىلەتىنىن ەسكە سالۋ قاجەت دەپ سانايدى.
ەاەو ىشىندەگى شەكارالىق باقىلاۋدى قاتاڭداتۋ تاۋارلاردىڭ ەركىن قوزعالىسىنا كەدەرگى كەلتىرەدى، بيزنەسكە تىكەلەي قارجىلىق زالال كەلتىرەدى جانە بىرىڭعاي ەكونوميكالىق كەڭىستىك قاعيداتتارىنا سايكەس كەلمەيدى.
ءوتىنىش بىلدىرگەن كاسىپكەرلەر قازاقستاننىڭ ۇلتتىق ەكونوميكالىق مۇددەلەرىنە نۇقسان كەلتىرەتىن جاعدايدا وتاندىق شەنەۋنىكتەردىڭ ارەكەتسىزدىگىنە تۇسىنبەۋشىلىك پەن نارازىلىق بىلدىرەدى.
«اق جول» فراكتسياسى وسى باعالاۋدى قولدايدى، ءبىزدىڭ كاسىپكەرلەرىمىزدى شۇعىل قورعاۋدى، رەسەيلىك سەرىكتەستەرمەن پروبلەمانى پىسىقتاۋدى جانە تاۋارلاردىڭ ەركىن قوزعالىسى مەن ەاەو شارتتارىن ساقتاۋ ءۇشىن جاعدايلاردى قامتاماسىز ەتۋدى تالاپ ەتەدى.
قۇرمەتپەن,
«اق جول» فراكتسياسىنىڭ دەپۋتاتتارى
