28 ءساۋىر 2021 جىل, «اق جول» دەموكراتيالىق پارتياسىنىڭ ءباسپاسوز قىزمەتى
مەملەكەتتىك ورگاندار اراسىنداعى ءوزارا ءىس-قيمىلدىڭ بولماۋى شاعىن كولەمدى فۋرگوندار ءۇشىن كولىك سالىعىنىڭ ونداعان ەسە ۇلعايۋىنا الىپ كەلدى. بۇل تۋرالى فراكتسيانىڭ كاسىپكەرلەردى قولداۋ تۋرالى دەپۋتاتتىق ساۋالىندا ايگۇل جۇماباەۆا مالىمدەدى.
قر پرەمەر-ءمينيسترىنىڭ ءبىرىنشى ورىنباسارى
ءا.ا. سمايىلوۆقا
«اق جول» دەپۋتاتتىق فراكتسياسىنا كاسىپكەرلەر شاعىن كوممەرتسيالىق كولىك سالىعىن ەسەپتەۋ ماسەلەسى بويىنشا ءوتىنىش بىلدىرۋدە.
سالىقتى تولەگەن ونىمدەردىڭ شاعىن پارتيالارىن دۇكەندەرگە تاسىمالداۋعا ارنالعان فۋرگونداردىڭ يەلەرى بۇرىنعى سالىق سوماسىنان ونداعان ەسە اساتىن قارىزدى تولەۋ تۋرالى حابارلاما العان! 2020 جىلدان باستاپ سالىق ورگاندارى ولار ءۇشىن قوزعالتقىشىنىڭ كولەمى 3000 تەكشە سم-دەن اساتىن جەڭىل اۆتوموبيلدەر ءۇشىن كوزدەلگەن سالىقتى ەسەپتەيتىنى بەلگىلى بولدى - وسىعان بايلانىستى سالىق سوماسى 18,5-تەن 306 مىڭ تەڭگەگە دەيىن ءوستى.
بۇل جاعداي قولدانىستاعى زاڭناماداعى قايشىلىقتاردان تۋىندادى. «اۆتوموبيل كولىگى تۋرالى» زاڭعا سايكەس وتىرۋعا 8 ورىننان اسپايتىن اۆتوكولىك قۇرالى جەڭىل اۆتوموبيل دەپ تانىلادى. ال جۇك كولىگى - بۇل جۇكتەردى تاسىمالداۋعا ارنالعان مەحانيكالىق جەتەگى بار كولىك قۇرالى.
سالىق كودەكسىنە (492-باپ) سايكەس جەڭىل كولىككە سالىقتى ەسەپتەۋ كەزىندە قوزعالتقىشتىڭ كولەمى قولدانىلادى، ال جۇك اۆتوموبيلدەرى بويىنشا سالىقتى ەسەپتەۋ جۇك كوتەرگىشتىگى بويىنشا جۇرگىزىلەدى. بۇرىن سالىق ورگاندارى شاعىن فۋرگوندارعا جۇك كولىكتەرىنە ارنالعان مولشەرلەمەلەردى قولدانعان. ولاردىڭ جۇك كوتەرگىشتىگى از بولعاندىقتان (1,5 تونناعا دەيىن), سالىق مولشەرى از بولدى، بۇل شاعىن جانە ورتا بيزنەستىڭ مۇمكىندىكتەرىنە سايكەس كەلدى.
بىراق قازىر سالىق تولەۋشىلەر مۇنداي پراكتيكادان باس تارتىپ، ولارعا جەڭىل اۆتوموبيلدەردەگىدەي قوزعالتقىشتىڭ كولەمىنە قاراي سالىق ەسەپتەي باستادى. بۇل كولىك سالىعىنىڭ 20-30 ەسە وسۋىنە اكەلدى جانە شاعىن فۋرگوندار كەرەمەت ليمۋزيندەر مەن بەدەلدى جول تالعامايتىن كولىكتەرمەن قاتار قويىلدى. سونىمەن قاتار، ەگەر ليمۋزيندەر مەن دجيپتەر ءسان-سالتانات پەن جەكە مارتەبەگە يە بولسا، وندا شاعىن جانە ورتا بيزنەستىڭ شاعىن كوممەرتسيالىق كولىگى - بۇل ءوندىرىس قۇرالى.
بۇكىل الەمدە سالىق جۇكتەمەسى جەكە تۇتىنۋشىلارعا اۋىرتپاشىلىق تۇسىرەدى، ال وندىرىستىك شىعىندارعا سالىناتىن سالىقتار، كەرىسىنشە، ازايۋدا. بۇل وندىرىستىك ەكونوميكانى ىنتالاندىرۋدىڭ ماڭىزدى قاعيداتى.
سالىق ورگاندارىنىڭ «جاڭا» ونەرتابىسى شاعىن جانە ورتا بيزنەس شىعىندارىنا مىندەتتى تۇردە اسەر ەتەدى جانە كاسىپكەرلەردىڭ پىكىرىنشە، ولاردىڭ قىزمەتتەرىنىڭ قىمباتتاۋىنا، باعانىڭ وسۋىنە جانە قازىرگى «كوروناكريزيستىڭ» وتە قيىن كەزەڭىندە كىرىستەردىڭ تومەندەۋىنە اكەلەدى.
سالىق ورگاندارى مۇنى تۇسىنە وتىرىپ، اۆتوكولىك يەلەرىنە «ۆ» ساناتىن «س» ساناتىنا (جۇك كولىكتەرى) وزگەرتۋ ءۇشىن پوليتسياعا جۇگىنۋدى ۇسىنادى.
بىراق جول ەرەجەلەرىنە سايكەس جۇك كولىكتەرىنىڭ يەلەرىنە ەلدى مەكەندەردىڭ نەگىزگى كوشەلەرىمەن جۇرۋگە تىيىم سالىنادى. سودان كەيىن فۋرگوندار مەن گازەلدەر دۇكەندەر مەن دارىحانالارعا تاۋارلاردى جەتكىزە المايدى، كوپتەگەن باسقا كولىك قىزمەتتەرىن ۇسىنا المايدى.
ايتا كەتەيىك، ەكونوميكا سالاسىنداعى وزەكتى ماسەلەنىڭ ءبىرى - كاسىپكەرلىكتى قولداۋ. بىراق بۇل جاعداي اتالمىش قاعيداعا قايشى كەلىپ وتىر.
«اق جول» پارلامەنتتىك فراكتسياسى مەملەكەتتىك ورگاندار ءوز شەشىمدەرىنىڭ ىقتيمال سالدارىن الدىن الا ەسەپتەپ، سالالىق قۇجاتتار مەن تاسىلدەردەگى قايشىلىقتاردى انىقتاپ، جويۋى كەرەك، ال كەمشىلىكتەردى كاسىپكەرلەر يىعىنا جۇكتەمەۋى كەرەك دەپ ەسەپتەيدى. وسى جاعدايدا مەملەكەتتىك ورگاندار اراسىنداعى ءوزارا ءىس-قيمىلدىڭ بولماۋى بىرقاتار پروبلەمالاردىڭ تۋىنداۋىنا الىپ كەلدى.
جوعارىدا كورسەتىلگەندەرگە بايلانىستى، «اق جول» فراكتسياسى كاسىپكەرلەرگە تۇسەتىن جۇكتەمەنى ارتتىرماي، مەملەكەت باسشىسى تالاپ ەتكەندەي، شاعىن جانە ورتا بيزنەستىڭ جۇمىسىنا كەدەرگى كەلتىرمەي، ماسەلەنى شۇعىل پىسىقتاپ، شەشۋ قاجەت دەپ سانايدى.
قۇرمەتپەن,
«اق جول» فراكتسياسىنىڭ دەپۋتاتتارى
