28 sáýir 2021 jyl, «Aq jol» demokratııalyq partııasynyń baspasóz qyzmeti
Memlekettik organdar arasyndaǵy ózara is-qımyldyń bolmaýy shaǵyn kólemdi fýrgondar úshin kólik salyǵynyń ondaǵan ese ulǵaıýyna alyp keldi. Bul týraly frakııanyń kásipkerlerdi qoldaý týraly depýtattyq saýalynda Aıgúl Jumabaeva málimdedi.
QR Premer-Mınıstriniń birinshi orynbasary
Á.A. Smaıylovqa
«Aq jol» depýtattyq frakııasyna kásipkerler shaǵyn kommerııalyq kólik salyǵyn esepteý máselesi boıynsha ótinish bildirýde.
Salyqty tólegen ónimderdiń shaǵyn partııalaryn dúkenderge tasymaldaýǵa arnalǵan fýrgondardyń ıeleri burynǵy salyq somasynan ondaǵan ese asatyn qaryzdy tóleý týraly habarlama alǵan! 2020 jyldan bastap salyq organdary olar úshin qozǵaltqyshynyń kólemi 3000 tekshe sm-den asatyn jeńil avtomobılder úshin kózdelgen salyqty esepteıtini belgili boldy - osyǵan baılanysty salyq somasy 18,5-ten 306 myń teńgege deıin ósti.
Bul jaǵdaı qoldanystaǵy zańnamadaǵy qaıshylyqtardan týyndady. «Avtomobıl kóligi týraly» Zańǵa sáıkes otyrýǵa 8 orynnan aspaıtyn avtokólik quraly jeńil avtomobıl dep tanylady. Al júk kóligi - bul júkterdi tasymaldaýǵa arnalǵan mehanıkalyq jetegi bar kólik quraly.
Salyq kodeksine (492-bap) sáıkes jeńil kólikke salyqty esepteý kezinde qozǵaltqyshtyń kólemi qoldanylady, al júk avtomobılderi boıynsha salyqty esepteý júk kótergishtigi boıynsha júrgiziledi. Buryn salyq organdary shaǵyn fýrgondarǵa júk kólikterine arnalǵan mólsherlemelerdi qoldanǵan. Olardyń júk kótergishtigi az bolǵandyqtan (1,5 tonnaǵa deıin), salyq mólsheri az boldy, bul shaǵyn jáne orta bıznestiń múmkindikterine sáıkes keldi.
Biraq qazir salyq tóleýshiler mundaı praktıkadan bas tartyp, olarǵa jeńil avtomobılderdegideı qozǵaltqyshtyń kólemine qaraı salyq esepteı bastady. Bul kólik salyǵynyń 20-30 ese ósýine ákeldi jáne shaǵyn fýrgondar keremet lımýzınder men bedeldi jol talǵamaıtyn kóliktermen qatar qoıyldy. Sonymen qatar, eger lımýzınder men djıpter sán-saltanat pen jeke mártebege ıe bolsa, onda shaǵyn jáne orta bıznestiń shaǵyn kommerııalyq kóligi - bul óndiris quraly.
Búkil álemde salyq júktemesi jeke tutynýshylarǵa aýyrtpashylyq túsiredi, al óndiristik shyǵyndarǵa salynatyn salyqtar, kerisinshe, azaıýda. Bul óndiristik ekonomıkany yntalandyrýdyń mańyzdy qaǵıdaty.
Salyq organdarynyń «jańa» ónertabysy shaǵyn jáne orta bıznes shyǵyndaryna mindetti túrde áser etedi jáne kásipkerlerdiń pikirinshe, olardyń qyzmetteriniń qymbattaýyna, baǵanyń ósýine jáne qazirgi «koronakrızıstiń» óte qıyn kezeńinde kiristerdiń tómendeýine ákeledi.
Salyq organdary muny túsine otyryp, avtokólik ıelerine «V» sanatyn «S» sanatyna (júk kólikteri) ózgertý úshin polıııaǵa júginýdi usynady.
Biraq Jol erejelerine sáıkes júk kólikteriniń ıelerine eldi mekenderdiń negizgi kóshelerimen júrýge tyıym salynady. Sodan keıin fýrgondar men gazelder dúkender men dárihanalarǵa taýarlardy jetkize almaıdy, kóptegen basqa kólik qyzmetterin usyna almaıdy.
Aıta keteıik, ekonomıka salasyndaǵy ózekti máseleniń biri - kásipkerlikti qoldaý. Biraq bul jaǵdaı atalmysh qaǵıdaǵa qaıshy kelip otyr.
«Aq jol» parlamenttik frakııasy memlekettik organdar óz sheshimderiniń yqtımal saldaryn aldyn ala eseptep, salalyq qujattar men tásilderdegi qaıshylyqtardy anyqtap, joıýy kerek, al kemshilikterdi kásipkerler ıyǵyna júktemeýi kerek dep esepteıdi. Osy jaǵdaıda memlekettik organdar arasyndaǵy ózara is-qımyldyń bolmaýy birqatar problemalardyń týyndaýyna alyp keldi.
Joǵaryda kórsetilgenderge baılanysty, «Aq jol» frakııasy kásipkerlerge túsetin júktemeni arttyrmaı, Memleket basshysy talap etkendeı, shaǵyn jáne orta bıznestiń jumysyna kedergi keltirmeı, máseleni shuǵyl pysyqtap, sheshý qajet dep sanaıdy.
Qurmetpen,
«Aq jol» frakııasynyń depýtattary
