2025 جىلعا قاراي قازاقستاندىقتاردىڭ سانى 20 ميلليوننان اسادى. بۇل تۋرالى ەلباسى نۇرسۇلتان نازارباەۆ قحا سەسسياسىندا ايتتى، دەپ حابارلايدى "ادىرنا" ۇلتتىق پورتالى zakon.kz سايتىنا سىلتەمە جاساپ.
"1993 جىلى ءبىزدىڭ ورتاق شاتىرىمىز - كەڭەس وداعى قۇلاعان كەزدە ادامدار نە ىستەۋ كەرەكتىگىن، وزدەرىن قالاي ۇستاۋ كەرەكتىگىن بىلمەدى. مۇندا كوپتەگەن وزگە رەسپۋبليكالاردان كەلگەندەردىڭ كەيبىرى ەلدە قالعىسى كەلسە، باسقالارى كەتكىلەرى كەلدى. ءبىز شەشىمدەرىنە ارالاسقان جوقپىز، ەركىندىك بەردىك. قازاقستاننان ءۇش ميلليونعا جۋىق ادام كەتتى. سودان كەيىن حالىق سانى 14 ميلليونعا دەيىن تومەندەدى. ءبىز قازىر 19 ميلليون ادامعا جاقىندادىق. مەن 2025 جىلعا قاراي حالىق سانى 20 ميلليون بولادى دەپ ناقتىلادىم. بۇل كورسەتكىشتەن اسىپ تۇسەمىز دەپ ويلايمىن", دەدى نۇرسۇلتان نازارباەۆ.
جوعارىدا اتالعانداي، قازاقستان استاناسىندا قازاقستان حالقى اسسامبلەياسىنىڭ ءححىح سەسسياسى ءوتتى. وتىرىسقا قر تۇڭعىش پرەزيدەنتى ەلباسى نۇرسۇلتان نازارباەۆ، قازاقستان پرەزيدەنتى قاسىم-جومارت توقاەۆ، سونداي-اق ەل استاناسى مەن وبلىستارىنداعى قازاقستان حالقى اسسامبلەياسىنىڭ مۇشەلەرى قاتىستى.
"ادىرنا" ۇلتتىق پورتالى
