جاڭا عاسىردا جaڭا تەحنولوگيالاp aعىمى تولاcتaماي، وزگەرگەن ءۇستىنe وزگەرۋدe. سوندىقتaن وزگەرگەن ءالeمنىڭ بولaشاعىنىڭ ىرگەتاسىن قالاۋشى، قaلىپتاcتىرۋشى مۇعaلىم جاڭا aقپاراتتaردى ءوزىنe aلا وتىpىپ، وقۋ مeن وقىتۋدى ۇزدىكcىز جeتىلدىرۋگە بaستى نازار aۋدارادى. بۇل جولدا ۇستازدار قاۋىمىنا ارتىلار جۇك جەڭىل ەمەس، ارينە.
«سىندارلى وقىتۋدىڭ وقۋ-تاربيە ۇردىسىندە پەداگوگتاردىڭ جاڭاشا بەلسەندى ءادىس-تاسىلدەرىن قولدانۋى ارقىلى ساباقتىڭ تارتىمدىلىعىن، قىزىقتى دا ناتيجەلىلىگىن ارتتىرا وتىرىپ، ءار وقۋشىنىڭ ەرەكشە بولمىسىن، تۇلعالىق قاسيەتتەرىن، شىعارماشىلىق دەڭگەيىن، دامۋ جولدارىن ومىرمەن بايلانىستىرۋداعى جۇمىس تۇرلەرىن ناسيحاتتاۋ ماقساتىندا تاجىريبە الماسۋ» دەگەن ۇلكەن ماقساتتى العا قويعان رەسپۋبليكالىق سەمينار 8 ءساۋىر 2017 جىلى ىلە اۋدانى، بايسەركە اۋىلى، № 9 ورتا مەكتەبىندە «ماڭگىلىك ەلگە - اقپاراتتىق مەكتەپ - جاڭاشىل پەداگوگ - ومىرگە بەيىمدى وقۋشى - مادەنيەتتى اتا-انا» تاقىرىبىندا ءوتتى.
رەسپۋبليكامىزدىڭ تۇكپىر-تۇكپىرىنەن كەلگەن قوناقتاردى، مەكتەپ باسشىلارىن، مەكتەپ فويەسىندەگى «جۇرەكتەن جۇرەككە» شارلار الەمى مەن «مەكتەپ ديرەكتورى - بۇكىل مەكتەپكە وزگەرىس ەنگىزۋدى باسقارۋداعى نەگىزگى كوشباسشى» لوزۋنگىسىمەن قارسى الدى. جانە دە «جاس ۇلان» ۇيىمىنىڭ مۇشەلەرى «سايلاۋ» اكتسياسىن جۇرگىزدى. ديرەكتورلارعا «تىلەك بيۋللەتەنى» مەن سەمينار باعدارلاماسىن ۇسىندى. كوشباسشى ديرەكتورلار ءوز تىلەكتەرىن بيۋللەتەنگە جازىپ، سايلاۋ ۋرناسىنا سالدى.
يساەۆا ايدا «2-سىنىپتان باستاپ اكت-نى وقىتۋ» ەكسپەريمەنت الاڭىمەن، «اعىلشىن ءتىلىن وقىتۋ جانە اۋدارما ءىسى» كافەدرالارىنىڭ فيليالدارى جانە مۇعالىمدەر بولمەسىندەگى «سىندارلى وقىتۋ» باعدارلاماسى بويىنشا جاسالعان «كريتەريالدى باعالاۋ» بۇرىشىمەن تانىستىردى.
سەميناردى «اۋىلىمدى بۇكىل الەم تانىسىن!» اتتى رەسپۋبليكالىق زەرتتەۋ اكتسياسىنا قاتىسقان تاريح ءپانى مۇعالىمى گ.ا.السەيتوۆا سلايد-شوۋمەن اشتى.
«ءبىلىم ۇزدىگى» مەدالىنىڭ يەگەرى تاريح ءپانىنىڭ مۇعالىمى، مەكتەپتىڭ ارداگەر ۇستازى گ.السەيتوۆا سەمينارعا كەلگەن كوشباسشى ديرەكتورلاردى ءارتۇرلى نوميناتسيا مەدالدارىمەن ماراپاتتاي وتىرىپ، توپقا ءبولدى. ءى توپ – «كوشباسشى ديرەكتورلار» توبى، ءىى توپ – «جاڭاشىل ديرەكتورلار» توبى، ءىىى توپ – «كرەاتيۆتى ديرەكتورلار» توبى بولىپ ءبولىندى. «سىنشىلار» مەن «كەڭەسشىلەر» توبى الدىڭعى توپ مۇشەلەرىنە كەڭەس بەرىپ، سىن ايتاتىن، جۇمىستارىن باعالاۋعا قاتىسۋشىلار بولىپ توپتاستى. كەلەسى كەزەڭدى مەكتەپ ديرەكتورلارىنىڭ ورىنباسارلارى ن.ت.تەمەرحانوۆا مەن گ.ە.بولسامبەكوۆا «مەكتەپ – وقۋشى - اتا-انا - پەداگوگ ۇشتاستىعى» تاقىرىبىن ىسكەرلىك ويىنىمەن اشتى. ترەنينگكە بارلىق ديرەكتورلار بەلسەندى قاتىسىپ، ءوز ويلارىن ورتاعا سالدى. قوناقتاردىڭ پىكىرىنشە، ترەنينگتىڭ قۇرىلىمى مەن مازمۇنى وتە جوعارى بولدى.
«ەسكىدەن قول ءۇزىپ، جاڭاعا قول جەتكىزگەندەر عانا مۇعالىم بولا الادى» (كونفۋتسي) دەگەن پىكىردى ۇستانعان مەكتەپ ۇستازدارى باعدارلاماعا ساي اشىق ساباقتارىن ءتۇرلى فورمادا وتكىزدى. حيميا پانىنەن «وكسيدتەر» تاقىرىبىنداعى اشىق ساباقتى ينتەربەلسەندى تاقتانىڭ تيىمدىلىگىن پايدالانىپ، ديۋسەنبەكوۆا اليا، قازاق ءتىلى ءپانى مۇعالىمى دۋۆانبەكوۆا گۋلجان مەن ساتكانكۋلوۆا التىنگۋل قاناتباەۆنا «قوناقتار» تاقىرىبىندا 8 «ءا» سىنىبىمەن كىرىكتىرىلگەن ساباقتار وتكىزدى. 3 «ۆ» سىنىبىنداعى «منوگووبرازيە جيۆوتنىح» تاقىرىبىندا ەسمانوۆا گۋلميرانىڭ كىرىكتىرىلگەن ينكليۋزيۆتىك ساباعى جوعارى دارەجەدە ءوتتى: ءتۇرلى جاڭا ءادىس-تاسىلدەردى قولدانا وتىرىپ، ۇيدەن وقيتىن مانسۋرمەن قىزىقتى ساباق جۇرگىزە ءبىلدى. ال، قازاقستان تاريحى پانىنەن 11 «ا» سىنىبىنا جۇرگىزىلگەن ساباقتا بلۋم تاكسونومياسى بويىنشا «قازاق دياسپوراسىنىڭ ماسەلەلەرى» تاقىرىبىن تولەباەۆا اليا جاقسى اشا ءبىلدى.
مەكتەپ ديرەكتورىنىڭ تاربيە ءىسى جونىندەگى ورىنباسارى يساەۆا ايدا «جاس ۇلان» ءوزىن-ءوزى باسقارۋ ۇيىمىنىڭ جۇمىسىمەن تانىستىردى. ءار توپ مۇشەلەرى (ديرەكتورلار) جاس مينيسترلەرمەن بىرلەسە، «وقۋشى ءۇنىن» ەسكەرە وتىرىپ، «قيىن وقۋشىلارمەن جۇمىس» تاقىرىبىنىڭ ەرەكشەلىگىن پوستەر ارقىلى قورعادى.
سەمينار سوڭىندا «جاڭاشا باسقارۋ - جاڭاشا وقىتۋ كەپىلى» اتتى دوڭگەلەك ۇستەل ۇيىمداستىرىلىپ، قاتىسۋشىلار تاراپىنان كەرى بايلانىس بەرىلدى.
مەكتەپ ديرەكتورى نۇرمۇحانبەتوۆ عابيدوللا كابدىلزياۇلى كەلگەن قوناقتارعا، سەميناردىڭ مازمۇندى وتۋىنە اتسالىسقان ارىپتەستەرىنە، ۇجىم مۇشەلەرىنە ۇلكەن العىس ءبىلدىردى.
ءيا، «بارلىعى الەمنىڭ وزگەرۋى تۋرالى ايتادى، الايدا ەشقايسىسى ءوزىن وزگەرتۋ تۋرالى ويلامايدى» دەگەن ل.ن.تولستويدىڭ كورەگەندى ءسوزى بۇگىندە جاڭا زامان جاستارىن تاربيەلەپ، جان-جاقتى ءبىلىم بەرىپ جاتقان ءاربىر وقىتۋشىعا وي سالارى انىق. جوعارىدا وتكەن ءىس-شارا - الداعى كۇندەرگە سەنىممەن قارايتىن، كوشباسشىلىق قابىلەتى قالىپتاسقان، ءبىلىمدى وزدىگىنەن الۋعا دايار، ونى قاجەتتى تۇستا ەركىن قولداناتىن شاكىرت تاربيەلەپ جاتقان وقۋ ورداسىنىڭ ءبىر كۇنگى تىنىس-تىرشىلىگىنەن الىنعان كورىنىس.
روزا ەربوزىمقىزى سەكسەنوۆا
اباي اتىنداعى رەسپۋبليكالىق مامانداندىرىلعان
دارىندى بالالارعا ارنالعان
قازاق ءتىلى مەن ادەبيەتىن تەرەڭدەتە وقىتاتىن
ورتا مەكتەپ-ينتەرناتى ديرەكتورىنىڭ
عىلىمي ىستەر جونىندەگى ورىنباسارى
