ولىمگە دەيىن جەتكىزگەن جول كولىك اپاتىنان كەيىن مەملەكەتتىك قىزمەتكە قايتا ورالىپ، ساۋدا مينيسترلىگىنىڭ دەپارتامەنتىن باسقارعان وسكەمەننىڭ اتى شۋلى ەكس-اكىمى قۋات تۇماباەۆ «نۇر وتان» پارتياسىنان شىعارىلدى. بۇل تۋرالى «نۇر وتان» پارتيالىق باقىلاۋ كوميتەتىنىڭ توراعاسى ارتۋر پلاتونوۆ ايتتى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، قۋات تۇماباەۆتى ساۋدا جانە ينتەگراتسيا مينيسترلىگىنىڭ ەكسپورتتى جىلجىتۋ دەپارتامەنتىنىڭ ديرەكتورى قىزمەتىنە تاعايىنداۋ ساياسي پلاتفورما قۇندىلىقتارىنا جانە پارتيا مۇشەسىنىڭ ەتيكالىق كودەكسىنە قايشى كەلەدى.
«وسىعان بايلانىستى پارتيانىڭ بەدەلىن تۇسىرمەس ءۇشىن استانالىق پارتيالىق باقىلاۋ كوميسسياسىنىڭ ۇسىنىسى بويىنشا ق.تۇماباەۆ پارتيا قاتارىنان شىعارىلدى»، دەپ جازدى ول ءوزىنىڭ Facebook پاراقشاسىندا.
پلاتونوۆ سونىمەن بىرگە مينيسترلىك باسشىلىعىنا تۋماباەۆتى ەكسپورتتى جىلجىتۋ دەپارتامەنتىنىڭ ديرەكتورى قىزمەتىنەن بوساتۋ تۋرالى ۇسىنىسپەن حات جىبەرىلگەنىن ايتتى.
ەسكە سالايىق، قۋات تۇماباەۆ 2018 جىلى ريددەردەگى 18 جاسار ەۆگەني سمولنيكوۆ قايتىس بولعان جول اپاتىنا قاتىسقاننان كەيىن وسكەمەن قالاسىنىڭ اكىمى قىزمەتىنەن كەتكەن بولاتىن. تۋماباەۆ جول جيەگىمەن ءوتىپ بارا جاتقان جانە BMW X5 كولىگىن قاعىپ كەتكەن جىگىت تۋرالى قىلمىستىق ءىس بويىنشا كۋاگەر بولعان. بەلگىلى بولعانداي، رولدەىماس كۇيىندە ريددەر قالاسى اكىمىنىڭ ورىنباسارى باۋىرجان قۇرمانباەۆ باسقارعان، ال قاسىندا وسكەمەن قالاسىنىڭ اكىمى قۋات تۇماباەۆ بولعان. ەۆگەني سمولنيكوۆ قايتىس بولدى.
قالالىق سوتتىڭ ۇكىمىمەن قۋات تۇماباەۆ اقبتك-ءنىڭ «مىندەتتى ساقتاندىرۋ كەلىسىمشارتىن جاساسۋدان جالتارۋ» بابى بويىنشا اكىمشىلىك جاۋاپكەرشىلىككە تارتىلدى، بىراق سوت بۇل شەشىمدى وسكەمەن اكىمىنە سىلتەمە جاساي وتىرىپ كەلتىردى.
ايتا كەتۋ كەرەك، تەرگەۋ كەزىندە قۋات تۇماباەۆتىڭ جول اپاتىنا قاتىسى بار ەكەندىگى مۇقيات جاسىرىلدى. ول ءتىپتى وسى ۋاقىت ارالىعىندا ەڭبەك اقىسىز دەمالىسقا كەتكەن. 2018 جىلدىڭ تامىزىندا شىعىس قازاقستان وبلىسىنىڭ اكىمى دانيال احمەتوۆ وتستاۆكاعا كەتۋدى تالاپ ەتتى، ال 13 تامىزدا تۋماباەۆ قىزمەتىنەن كەتۋ تۋرالى ارىز جازدى.
"ادىرنا" ۇلتتىق پورتالى
