مەملەكەت باسشىسى قاسىم-جومارت توقاەۆ اقوردا رەزيدەنتسياسىندا وبلىستاردىڭ جانە نۇر-سۇلتان، الماتى، شىمكەنت قالالارىنىڭ اكىمدەرىمەن كەڭەس وتكىزىپ، ولارعا تاپسىرما بەردى. بۇل تۋرالى “ادىرنا” ۇلتتىق پورتالى اقوردا سايتىنا سىلتەمە جاساپ حابارلايدى.
قاسىم-جومارت توقاەۆ ۇكىمەت پەن اكىمدەرگە الەۋمەتتىك-ەكونوميكالىق ماسەلەلەردى جەدەل شەشۋ جانە حالىقتىڭ ءال-اۋقاتىن ارتتىرۋ جونىندە شارالار كەشەنىن قابىلداۋدى تاپسىردى. سونداي-اق، پرەزيدەنت جاڭا قازاقستاندى قۇرۋ ستراتەگياسى اياسىندا ساياسي رەفورمالاردىڭ كەزەكتى توپتاماسىن ىسكە اسىرۋ بويىنشا بىرقاتار مىندەت جۇكتەدى.
ولار اكىمدەر ازاماتتارمەن جۇمىس ىستەۋ ءتارتىبىن قايتا قاراۋى كەرەك، سونداي-اق اۋدان جانە اۋىل تۇرعىندارىمەن ءجيى كەزدەسىپ، ولاردى مازالاعان ماسەلەلەردى شەشۋى، قوعام سەنىمىن ارتتىرۋى قاجەت.
بۇدان بولەك، ۇكىمەت پەن اكىمدىكتەرگە جۇمىسسىزدىق دەڭگەيىن تومەندەتۋ، كاسىپكەرلىكتى دامىتۋ، جاڭا جۇمىس ورىندارىن اشۋ جونىندە جۇيەلى شارالار قابىلداۋعا تاپسىرما بەرىلدى.
كەڭەس قورىتىندىسى بويىنشا، مەملەكەت باسشىسى وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىنە بۇگىنگى قازاقستان حالقىنا ارنالعان جولداۋدا جۇكتەلگەن مىندەتتەردى ساپالى جۇزەگە اسىرۋدى مىندەتتەدى.
“ادىرنا” ۇلتتىق پورتالى
