اقتاۋدا وپات بولعان ۇشاققا قاتىستى جاڭا دەرەكتەر بەلگىلى بولدى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
اگەنتتىكتىڭ مالىمەتىنشە، Flightradar24 سايتى باكۋدەن گروزنىيعا ۇشىپ بارا جاتقان J28243 رەيسىمەن بايلانىستى مالىمەتتەرگە نازار اۋدارعان. اۋە كەمەسى كەشە قازاقستاننىڭ اكتاۋ قالاسىنا جاقىن ماڭدا اپاتقا ۇشىراعان.
Flightradar24 كارتاسىنداعى مالىمەتتەرگە سايكەس، ۇشاق ماحاچقالا ماڭىندا راداردان جوعالىپ، 12 مينۋتتان كەيىن سولتۇستىك وسەتيانىڭ اردون قالاسى ماڭىندا قايتا پايدا بولعان. وندا ۇشاق ءبىراز ۋاقىت اينالىپ ۇشىپ، قايتا جوعالىپ كەتىپ، 1,5 ساعاتتان كەيىن كاسپي تەڭىزى ۇستىندە اكتاۋ ماڭىندا كورىنگەن. بۇل دەرەكتەر بويىنشا رەيستىڭ باعىتىندا بەلگىسىز جاعدايلاردىڭ بولعانى كۇمان تۋدىردى.
اپاتتىڭ سەبەبى ۇشاق قوزعالتقىشىنا قۇس ءتۇسۋى بولۋى مۇمكىن دەگەن اقپارات تارادى. بۇل دەرەكتى رەسەيدىڭ اۆياتسيا وكىلى ارتەم كورەنياكو راستادى.
قازىر اپات بولعان جەردە 287 قۇتقارۋشى مەن 65 تەحنيكا جۇمىس ىستەپ جاتىر. سوڭعى دەرەكتەرگە سايكەس، اپاتتان 29 ادام زارداپ شەكتى. 38 ادام، ونىڭ ىشىندە التى قازاقستاندىق، قازا تاپتى. قازا بولعان قازاقستاندىقتاردىڭ اراسىندا بالالار دا بار.
قازاقستان پرەزيدەنتى قاسىم-جومارت توقاەۆ اپاتقا بايلانىستى ازەربايجان پرەزيدەنتى يلحام اليەۆكە كوڭىل ايتتى.
