ماڭعىستاۋدا ارقارعا وق اتقان اڭشىلار ۇستالدى. ارقارعا وق اتقان براكونەرلەر پوليتسيا قىزمەتكەرلەرى بولىپ شىقتى. براكونەرلەر قورىقشىلاردى كورە سالا، ولار قاشىپ كەتكەن، دەپ حابارلايدى «ادىرنا» ۇلتتىق پورتالى كتك ارناسىنا سىلتەمە جاساپ.
بەتپەردە كيگەن ءتورت براكونەردىڭ ەكەۋى پوليتسيا قىزمەتكەرلەرى.
زاڭسىز اڭ اۋلاۋعا شىققان ءتارتىپ ساقشىلارى ينسپەكتورلارمەن سويلەسۋ ارقىلى جازادان قۇتىلۋعا تىرىستى. الايدا تابيعي پاركتىڭ وكىلدەرى ولارمەن كەلىسىمگە كەلۋدان باس تارتقان. قاسكويلەر اق ءتۇستى اۆتوكولىكپەن ەرەكشە قورعالاتىن «قىزىلساي» تابيعي پاركىنىڭ اۋماعى ارقىلى وتكەن.
تابيعات قورعاۋشىلارى ولاردى 100 شاقىرىمعا دەيىن قۋىپ ءجۇرىپ ۇستادى. براكونەرلەردىڭ كولىگىنەن ءتورت اڭشى مىلتىعى مەن جابايى اڭ ەتى شىقتى. قىزىل كىتاپقا ەنگەن ءتۇز تاعىسىن اتقاندارعا قاتىستى قىلمىستىق ءىس قوزعالدى.
«شەتپە اۋىلىنىڭ ءتورت تۇرعىنى بولعان. ولاردىڭ ارقايسىسىندا ءبىر-ءبىر مىلتىق بولعان. اۆتوكولىك تەكسەرىلىپ، قارۋ-جاراق الىندى. حاتتاما جاسالىپ، ماڭعىستاۋ اۋدانىنىڭ پوليتسيا بولىمىنە تاپسىرىلدى. ىشىندە ەكى پوليتسيا قىزمەتكەرى بار ەكەنى بەلگىلى بولدى»، - قىزىلساي مەملەكەتتىك ايماقتىق تابيعي پاركىنىڭ ديرەكتورى ومار سارسەنعازيەۆ.
