Maŋǧystauda arqarǧa oq atqan aŋşylar ūstaldy. Arqarǧa oq atqan brakonerler polisiia qyzmetkerlerı bolyp şyqty. Brakonerler qoryqşylardy köre sala, olar qaşyp ketken, dep habarlaidy «Adyrna» ūlttyq portaly KTK arnasyna sılteme jasap.
Betperde kigen tört brakonerdıŋ ekeuı polisiia qyzmetkerlerı.
Zaŋsyz aŋ aulauǧa şyqqan tärtıp saqşylary inspektorlarmen söilesu arqyly jazadan qūtyluǧa tyrysty. Alaida tabiǧi parktıŋ ökılderı olarmen kelısımge keludan bas tartqan. Qasköiler aq tüstı avtokölıkpen erekşe qorǧalatyn «Qyzylsai» tabiǧi parkınıŋ aumaǧy arqyly ötken.
Tabiǧat qorǧauşylary olardy 100 şaqyrymǧa deiın quyp jürıp ūstady. Brakonerlerdıŋ kölıgınen tört aŋşy myltyǧy men jabaiy aŋ etı şyqty. Qyzyl kıtapqa engen tüz taǧysyn atqandarǧa qatysty qylmystyq ıs qozǧaldy.
«Şetpe auylynyŋ tört tūrǧyny bolǧan. Olardyŋ ärqaisysynda bır-bır myltyq bolǧan. Avtokölık tekserılıp, qaru-jaraq alyndy. Hattama jasalyp, Maŋǧystau audanynyŋ polisiia bölımıne tapsyryldy. Işınde ekı polisiia qyzmetkerı bar ekenı belgılı boldy», - Qyzylsai memlekettık aimaqtyq tabiǧi parkınıŋ direktory Omar Särsenǧaziev.
