بۇگىن، 26 ءساۋىر كۇنى «زەردەلى» اقىل-وي دامىتۋ ورتالىعىنىڭ ۇيىمداستىرۋىمەن 5-6 سىنىپتارعا ارنالعان «التىن ساقا» وليمپياداسىنىڭ رەسپۋبليكالىق كەزەڭى ءوتتى.
2016 جىلى نۇر-سۇلتان قالاسىندا باستاۋ العان وليمپيادا بيىل ءبىرىنشى رەت رەسپۋبليكالىق دەڭگەيدە ءوتىپ جاتىر.
وليمپيادا نۇر-سۇلتان، الماتى، شىمكەنت قالالارىنان بولەك اتىراۋ، اقتاۋ، قاراعاندى، تالدىقورعان، اقتوبە جانە ورال قالالارىندا دا وتكىزىلدى. وسى ۋاقىتقا دەيىن اتالعان قالالاردا وليمپيادانىڭ وبلىستىق ىرىكتەۋ كەزەڭى ءوتىپ، ءار قالادان رەسپۋبليكالىق كەزەڭگە 10 وقۋشىعا (5 سىنىپتان 5, 6 سىنىپتان 5 وقۋشى) جولداما بەرىلگەن بولاتىن.
ايتا كەتەيىك، وليمپيادا «دارىن» رەسپۋبليكالىق عىلىمي-پراكتيكالىق ورتالىعىنىڭ جانە وبلىستار مەن قالالارداعى دارىندىلىقتى دامىتۋ ورتالىقتارىنىڭ قولداۋىمەن وتكىزىلىپ جاتىر.
وليمپيادا ءادىل ءوتۋ ءۇشىن سۇراقتاردى ءبىرتۇتاس نۇر-سۇلتان قالاسىنداعى «زەردەلى» اقىل-وي دامىتۋ ورتالىعىنىڭ ماتەماتيكا ءپانى بىرلەستىگى دايىنداپ، وليمپيادا بارىسىن «زەردەلى» جانە دارىندىلىقتى دامىتۋ ورتالىقتارىنان قۇرىلعان كوميسسيا باقىلادى.
وليمپيادا سۇراقتارى نۇر-سۇلتان قالاسىندا تەكسەرىلىپ، ماراپتتاۋ ءراسىمى پاندەمياعا بايلانىستى 29 ءساۋىر كۇنى ونلاين فورماتتا وتەدى دەپ جوسپارلانىپ وتىر.
"ادىرنا" ۇلتتىق پورتالى
