Búgin, 26 sáýir kúni «Zerdeli» aqyl-oı damytý ortalyǵynyń uıymdastyrýymen 5-6 synyptarǵa arnalǵan «Altyn saqa» olımpıadasynyń respýblıkalyq kezeńi ótti.
2016 jyly Nur-Sultan qalasynda bastaý alǵan olımpıada bıyl birinshi ret respýblıkalyq deńgeıde ótip jatyr.
Olımpıada Nur-Sultan, Almaty, Shymkent qalalarynan bólek Atyraý, Aqtaý, Qaraǵandy, Taldyqorǵan, Aqtóbe jáne Oral qalalarynda da ótkizildi. Osy ýaqytqa deıin atalǵan qalalarda olımpıadanyń oblystyq irikteý kezeńi ótip, ár qaladan respýblıkalyq kezeńge 10 oqýshyǵa (5 synyptan 5, 6 synyptan 5 oqýshy) joldama berilgen bolatyn.
Aıta keteıik, olımpıada «Daryn» respýblıkalyq ǵylymı-praktıkalyq ortalyǵynyń jáne oblystar men qalalardaǵy daryndylyqty damytý ortalyqtarynyń qoldaýymen ótkizilip jatyr.
Olımpıada ádil ótý úshin suraqtardy birtutas Nur-Sultan qalasyndaǵy «Zerdeli» aqyl-oı damytý ortalyǵynyń matematıka páni birlestigi daıyndap, olımpıada barysyn «Zerdeli» jáne daryndylyqty damytý ortalyqtarynan qurylǵan komıssııa baqylady.
Olımpıada suraqtary Nur-Sultan qalasynda tekserilip, marapttaý rásimi pandemııaǵa baılanysty 29 sáýir kúni onlaın formatta ótedi dep josparlanyp otyr.
"Adyrna" ulttyq portaly
