دەنساۋلىق ساقتاۋ ءمينيسترى الەكسەي تسوي ەكس-مينيستر ەلجان ءبىرتانوۆتى مينيسترلىككە قايتادان جۇمىسقا الا ما؟ بۇل تۋرالى "ادىرنا" ۇلتتىق پورتالى حابارلايدى.
سوت شەشىمى بويىنشا، نەگىزى ەكس-مينيسترگە جۇمىس ىستەۋگە رۇقسات بەرىلگەن. تىكەلەي ەفير كەزىندە، الەكسەي تسويعا ءبىرتانوۆتى جۇمىسقا الۋ تۋرالى سۇراق قويىلعان بولاتىن.
"ەكس-مينيسترگە جۇمىس ىستەۋگە رۇقسات بەرىلدى. ءسىز ءبىرتانوۆتى دەنساۋلىق ساقتاۋ مينيسترلىگىنە جۇمىسقا الاسىز با؟" - دەپ سۇرادى مينيستردەن جۋرناليستەر. "قازىرگى ۋاقىتتا ءبىز دە بىرتانوۆقا قاتىستى جۇمىس ىستەۋىنە بولادى دەگەن اقپارات الدىق. ءبىزدىڭ بىلۋىمىزشە، ول قازىر كوممەرتسيالىق قۇرىلىمدا جۇمىس ىستەيدى", - دەپ جاۋاپ بەردى الەكسەي تسوي.
