باۋىرجان بايبەك پەن جانبولات مامايدىڭ اقپاراتتىق پىكىرتالاسىنا قاتىستى ەكى ناقتى اسپەكت كوزگە كورىنىپ تۇر

2480
Adyrna.kz Telegram

بىرىنشىدەن، مامايدىڭ ءپوپۋليزمى مەن نەگىزسىز مالىمدەمەلەرىنە دەرەۋ جاۋاپ قايتارعان بايبەككە قاراستى ايتىلعان سىن وعاش كورىنەدى.

نەگىزى بايبەك – وزەكتى ماسەلەلەر بويىنشا اشىق پىكىرتالاسقا ءتۇسىپ، وزگەلەر ۇندەمەۋگە ۇيرەنگەن تاقىرىپتار بويىنشا ءوز پوزيتسياسىن ناقتى ايتاتىن ازداعان زاماناۋي ساياساتكەرلەردىڭ ءبىرى. پوزيتسيا تاڭداۋدىڭ زاماناۋي تەورياسى مەن پراكتيكاسى كورسەتكەندەي، تابىستى ساياساتكەر ايتىلعان سىنعا قانشالىقتى جەدەل جانە كونسترۋكتيۆتى جاۋاپ قايتارسا، يميدجىك جوعالتۋ سونشالىقتى از بولماق. الايدا كەيبىر ەسكى كەڭەستىك تۇجىرىمدامالاردىڭ جاقتاستارى بايبەك اشىق تۇردەگى نەگىزسىز سىنعا مۇلدە جاۋاپ قايتارماۋى كەرەك ەدى دەپ سانايدى. دەگەنمەن بۇل جاعدايدا وسىنداي دارەجەدەگى حالىق الدىنداعى ساياساتكەرگە بۇلاي جاساۋعا بولمايدى. قوعاممەن اشىق سويلەسكەن ءجون، قوعام سوندا عانا قولدايدى. وسى تۇرعىدان بايبەكتىڭ سۇحباتى ساۋاتتى قۇرىلىپ، ۋاقىتىندا بەرىلدى. ساياسي پىكىرتالاس سۋىعان كۇيىندە بەرىلەتىن كەك ەمەس. ارقاشان اشىقتىقتى، كەي جاعدايلاردا قوعام الدىنا شىعۋدى تالاپ ەتەتىن ۇدايى قوزعالىستاعى دۇنيە.

ەكىنشىدەن، ماماي ءوزىن تىعىرىققا تىرەدى. «ناۆالنىيدىڭ وبرازىن» كيگىسى كەلدى. دەگەنمەن ءىسىن شالا جانە ساپاسىز جاسايدى. ءوز كونتەنتى جوق. تولىعىمەن ءانونيمدى تەلەگرام-كانالدىڭ اقپاراتىنا سۇيەنىپ، ۇلكەن قاتەلىك جاسادى. شىندىعىندا ماماي وسى «دەرەككوز» تاراتاتىن بارلىق اقپارات ءۇشىن جاۋاپكەرشىلىكتى ءوز موينىنا الىپ وتىر. سالدارى سول، سوت قاراۋىنىڭ قورىتىندىسى ەندى ايتپاسا دا بەلگىلى.

 

@selteyev_view تەلەگرامم كانالى

پىكىرلەر